Kaupapa: Entertainment

He kaikanikani Māori e ngana ana ki te whakaatu i te ahurei Māori ki te ao

Tema Hemi

Kātahi anō rātou ka hoki mai i ngā toi huarewa o Ūropi, ā kei te kotahi atu te kamupene kanikani o Aotearoa ki te heri i tā rātou whakaaturanga, a Lumina ki te motu i te Haratua nei.

E rua ngā uri Māori e kanikani ana ki roto i te whakāturanga nei, kia whai wheakoranga ki te whakawhānui ake i ō rāua ara i ēnei mahi.

Ko Chrissy Kokiri nō Te Arawa me Eddie Elliott nō Ngāti Maniapoto e ngakau hihiko ana i tā rāua tuitui i te ahurea Māori ki ngā momo kanikani o ēnei rā, kia kitea i te ao whānui.

Hēoi he nui ngā piki me ngā heke e wero ana i a rāua. Ko te kai tika me te whakapakari tīnana ia te rā kia pai ai ō rāua hanga mo te tū ki te atāmira, he mahi nui i a rātou e whakatikatika ana te huri āmio i te motu.