Ka ngaro a Te Rina ki te toa ki te hokohoko mea mā Tīmoti, nō reira ka noho a Te Uaki ki te whakaako i a Pāpā Jeremy ki te whakatangitangi piana. He ringa rehe kē a Jeremy ki te nuinga o ngā mahi, engari kaua ki te piana, ā, ka tere tohutohua a ia kia noho ki tāna e mōhio ai.
Ka whakaatu mai a Jay rāua ko Sarah ka pēhea tā rāua tō mai i te kotahitanga ā-whānau i roto i te whare i tēnei wā o te noho rāhui, mā te whakahaere hui whānau. Ka whakatinanahia e rātou ngā tikanga Māori, te karakia, te mihi, te waiata, ā, ka noho tahi ki ngā tamariki ki te whakatakoto whāinga, me te whakamānawa.
E whakapau werawera ana ki te peita kia oti ai ngā mahi whakapaipai, ko ngā māmā puku mahi o te kōhanga.
I tēnei hōtaka, ka toro atu a Rio Panapa ki te whetū tārake o te ao puoro o Aotearoa, ki a Stan Walker, i a ia e noho whakamohoao ana me tōna whānau i te uru o Tāmaki Makaurau.
E rikarika ana ki te whakapaipai i te āhua o tō rātau kōhanga i waho me roto, ko Te Maunga Kōhungahunga.
He whakataetae kei te haere kia kitea ai ko wai kē te mea utiuti, nō Jeremy rāua ko Te Rina ka whakapai nei i te whare. Ka mutu, mā te whetē ngā taupatupatu e whakamahu i waenga i ngā taitama, kua takeo nei i te noho rō whare.