Ngā tūranga waatea

  • Kaikōkiri Reo

    Ko tā mātau whakakitenga, kia tū a Whakaata Māori hei kūaha ki te ao Māori mā te whakaaweawe i te whakarauoratanga o te reo Māori me ngā tikanga Māori.

    E aru ana mātou i ngā putanga e whā e whai nei:

    • Kia tokomaha ake ngā tāngata e uara ana ki te reo me ngā tikanga Māori hei wāhanga o tō tātou tuakiri ā-motu
    • Kia tokomaha ake te hunga rangatahi e hiamo ana ki te reo Māori me ngā tikanga Māori
    • Kia tokomaha ake ngā tāngata e toro ana i ngā kaupapa Māori me ngā kaupapa e kounga nei te reo Māori
    • Kia whakaawetia te whakaoranga o te reo Māori me ngā tikanga Māori e tā mātou whakahaere

    Kei te kimi mātau i tētahi pūkenga reo, tikanga hoki, ka noho ki roto i te Ohu Kaiwhakahaere Matua ki te waihanga, ki te whakatinana, ki te aroturuki hoki i te Rautaki Reo Māori a Whakaata Māori.

    Ko tā te Rautaki, he arataki i ngā mahi katoa a Whakaata Māori, mai i te waihanga hōtaka tae atu ki te whakamahinga a ngā kaimahi i te reo Māori me ngā tikanga Māori.

    Ko te kaitono angitu:

    • Me matatau rawa ki te kōrero, ki te tuhi hoki i te reo
    • Me matatau rawa ki ngā tikanga Māori
    • Me mātau ki te ao pāpāho Māori tae atu ki ngā āhuatanga hōu e whanake ana i te rāngai hangarau, tihi hoki
    • Kua neke atu i te 5 tau e pīkau ana i tētahi tūranga kaiwhakahaere
    • Kua neke atu i te 5 tau e mahi ana i roto i tētahi mahi reo Māori, tikanga Māori hoki
    • Kua whiwhi tohu reo Māori, he tohu rite rānei
    • Me mātau ki ngā mātāpono me ngā uara o te whakamahere reo, te whakarauora reo hoki.

    Tukuna mai tō tātai pūmanawa me tō tono ki: hr@maoritelevision.com.

    Ka kati te wā tono ā te 3 o Hakihea 2018.

    Tono mō tēnei tūranga - Kaikōkiri Reo