Jump to navigation Jump to content
Tūhono mai ki a Kahurangi Maxwell mō te hōtaka whakataetae tunu kai ā whānau tino mutunga mai o te reka.
Karekau a Josh rāua ko Jesse o Game of Bro's i te tino matatau ki ngā mahi tunu, engari he tino koi ā rāua nekehanga kanikani. Kei ā Delaney Mes he kupu whakamahiri ki te mahi pōhā tere, māmā hoki.
Ka taupatupatu a Wiremu rāua ko Awhimai. He matatau ake a Awhimai mō te tunu, engari kei ā Wiremu anō ētahi tikanga tunu. Kei reira anō a Luke Bird e whakangahau ana.
Kei te wharekai i tēnei rā ko Portia Woodman rāua ko Renee Wickliffe, pūkenga tākaro whutupōro. Ka whakawāhia e Robert Oliver, kaitao o te ao, a rāua mahi, ka tohaina e ia he kupu whakamahiri tino reka.
He maha ngā hāora harikoa kua whakapaungia e Pera rāua ko Iri ki te tunu kai mā tō rāua whānau me te marae. Kei ā Natalie Oldfield, ariki o te tunu kai, te whakataunga ko wai ka toa.
E whakatā ana a Lisa rāua ko Jason mai i ngā mahi tiaki tamariki me ngā mahi a te ture, ki te tātāwhāinga mā te tunu i tā rāua tohutao makau. Ka hono mai a Nancye Pirini ki ngā mahi pārekareka.
Kua tāparahia ngā mahi pukukata i te mea e whakamātautau ana a Matariki Whatarau rāua ko Cohen Holloway i tō rāua whakahoanga, ō rāua pūkenga tao, ka whakataetae ana rāua mō ngā tikanga o te toa. E hono ana ki tēnei pōrewarewa ko Monique Fiso, kaitao.
Karekau a Josh rāua ko Jesse o Game of Bro's i te tino matatau ki ngā mahi tunu, engari he tino koi ā rāua nekehanga kanikani. Kei ā Delaney Mes he kupu whakamahiri ki te mahi pōhā tere, māmā hoki.
He tautohetohe ā-Taitokerau tā Shelly rāua ko Zia, e whakawhiti ana i a rāua karāihe waina mō ngā whaowhao ringa tunu. Ka hono mai anō a Natalie Oldfield ki te tohu i te toa.
Ko te whānau te mea nui ka tātāwhāinga ana a Clarry me tana tamāhine a Ebony ki te mahi i te kai makau a te whānau. Ko Robert Oliver te kaiwhakawā, otirā he mea reka tāna nō ngā Moutere o te Moana nui ā-Kiwa.
He tino pūkenga a Pere Wihongi rāua ko Tūhoe Tamaiparea ki te poi, te kapa haka me te poitarawhiti, engari e ai ki tā rāua e āhua kore ō rāua pūkenga tunu. Te waimarie hoki kei reira a Delaney Mes ki te āwhina.
I roto a Anthony rāua ko Kathy Dunn i te kapa toa o Marae Kai Masters, engari kei te whakataetae rāua kia rāua anō i tēnei rā. Ka whakawāhia ā rāua mahi e Monique Fiso.
He kaupapa tuakana taina ka whakawhiti ana a Matua rāua ko Reuben Parkinson i a rāua pū me ngā pēke mō ngā koko parai me ngā whaowhao ringa tunu. Ka tohua e Cameron Petley te toa, ka tuku hoki ia i ētahi kupu whakamahiri tunu.
Mō te roanga o ō rāua oranga kua whakatauritea ngā māhanga, a Riria rāua Loren, nā tērā rāua i rikarika ai ki te whakataetae mā te tunu keke. Ka hono mai a Luke Bird, kaitao kaha ki te waiata.
