Ka kōrerohia te kaupapa kātahi ka whakautua te pātai e hāngai ana ki te ao kōhatu, tae noa mai ki tēnei wā.(TUATAHI)

He kaupapa nui tēnei e pā ana ki te wairua o te tamaiti ka mate kahu ana, ka taka noa ana, ka whakatahea rānei.

Ka tirohia ngā momo whakakitenga ka ahu mai i te moemoeā, otirā ka kōrerohia mehemea he tohu whakatūpato mo tētahi raru kei te haere ake, mo tētahi pēhitanga rānei. He whakakitenga pea mo tētahi kaupapa, he tuku kia rere tō wairua ki wīwī, ki wāwā karore haere ai, he puta mai rānei ki waho ake o to tinana.

Ko te ‘mata-kite’tētahi o ngā taonga tuku iho a nga Tohunga Matakite o te ao kōhatu, ki ngā uri whakaheke, engari he momo tangata anō ka tohua ki ēnei tūnga. Ka kōrerohia tōna takenga mai tae rawa ki tēnei wā.