Jump to navigation Jump to content
Kei te whakatakoto kai Māori ā Monique rāua ko Henry o My Kitchen Rules.
He kai Māori me tētahi whakaritenga hou ka whakaatuhia mai e Monique rāua ko Henry Heke o te hōtaka MKR. I runga o te pukukata, e ako i ētahi tohutohu ki te tunu kai reka, iti noa te utu.
I te rautau 1970 ko ngā poroiwi poaka me te wātakirihi te kai matua i te nuinga o ngā kāinga. Kei te hiahia a Monique rāua ko Henry ki te whakahauora ake i tēnei tikanga ka rau atu i ētahi tū āhua tawhito, ngā hua hauora, ka rau atu hoki i tētahi kīnaki hou.
Kua kore ngā wā o te tunu hāngī mō ngā hāora e waru. Ki te tunu hāngī mō ngā hāora e rua ka kawea e Henry rāua ko Monique ngā kōhatu ki roto, otirā ka puta mai te kakara, te namunamuā me te whēnakonako.
Ka hamahamahia te “Kōura Pango o te Moana”, arā, te pāua, e ngā tokorua nei, e whakahora ana i ngā rengarenga pāua, te panako pāua me ngā pōro haromi kua kongakongahia, me te purini rahopūru.
Mō ngā Māori o Aotearoa me tāwāhi, ko ngā parāoa rewena, takakau me te parai ngā parāoa matua. Ka whakahokia mai e Monique rāua ko Henry ngā kakara manako o te parāoa ā kui mā.
He kai reka iti te utu,mā ngā reanga katoa, ka rongo koe i te hā o te moana, koirā te mea pai o te kai tūturu ā Monique rāua ko Henry, i tapaina ko te Ara Ara Mata.
Mēnā e pōhēhē ana koe kua kai inanga kē koe, āta whakaaro anō i te mea kāre anō koe kia kai i te Inanga Delight me te Watakeri Keremi ā Monique rāua ko Henry. He kai hauora, kāre i te taumaha, ā, he mea tino whakahari!
Ko te Tiritiri o te Moana te whakamāramatanga ā Henry rāua ko Monique mō te tikanga o te Kōura Toka taketake. Tirohia tā rāua whakaritenga o tēnei kai taketake.
Karekau he mea taketake ake i te Tītī. Ka tunua mai e Monique rāua ko Henry he kai hou mai i tēnei kai taketake.