Pūrongo hou

He hinonga karauna a Pharmac, ā, kei a ratou te mana ki te tohu ki ngā poari hauora a he aha ngā rongoa ka taunakihia e rātou. I tau ngā nawe ki mua i te Komiti Whiriwhiri take Hauora a te Kāwana kia aro mai a Pharmac ki te whakaiti ake i te utu o ngā rongoa mō te hunga e pangia ana e te mate pukupuku.
 

Mō te wa tuatahi i tākaro Te Kapa Kirikiti Kura Tuarua Māori o Aotearoa ki tētahi kapa o te kāwana tianara, i roto i ngā hau pūkeri o Pōneke. Ko te manako a NZ Cricket kia tipu haere te hiahia ki roto o ngāi Māori ki tēnei hākinakina. 
 

Inā te mano tini o ngā tauira huri noa i te ao ka whai wāhi atu ki te whakatu porotēhi, kia āhei rātou te whakatenatena i ngā kaitōrangapū ki te āta tiro atu ki ngā take āhuarangi. Hei te wiki e tu mai nei ka whai ngā tauira o Aotearoa i ēnei whakatauira. Ko te pātai ia mēnā e whakaae ana a Aotearoa whānui ki te whakawātea mai ngā tauira ki te whai i ēnei āhuatanga.
 

Ko ngā whakaaro o ngā pārurenga hara kaikoka ki te pūnaha ture taihara ki Aotearoa ērā kua rau atu ki te rangahautanga hou a te kāwanatanga. A, ko te tino kōrero i puta ake, kāore i te tino tautokona tēnei hunga me ō rātau whānau.  
 

Kei te kitea inainei i ngā pūngao kōmaru ki roto i ngā kura o te motu. Ko te kura tuatahi o Maungaraki ki Pōneke tētahi kura e whiwhi ana ki ngā hua, i penapena ai i te rima mano tāra i te tau kua hori.   
 

Ki te rohe e pokea nei e te kore mahi, Kei te ora tonu ngā mahi kuti hipi o Te Tairāwhiti i a Tui Hyde, i a ia e tuku mahi ana ngā reanga hou.

Kei te whatu a David Jones o Rongowhakaata i tētahi korowai hei tohu aroha mō tana tuahine a Erica i hinga i te tau kua hinga atu nei.

Kei te karanga a Toi Aotearoa ki ngā ringatoi, ki ngā rangatahi anō hoki kia tono pūtea tautoko e whai wāhi ai rātou ki te Hui Ahurea o Te Moananui-a-Kiwa. He tira haere kei te whakaritea kia haere ki te hui ka tū ki Honolulu hei te marama o Pipiri a tērā tau.

Ko Oriini Kaipara tērā, he kaihaka ō mua mō te kapa o Ngā Tūmanako, kua whakawhiti atu ki te ope o Haka Translate kia whakapākehā i ngā waiata me ngā haka o Te Matatini. Ko tā te ratonga nei he whakapākehā i ngā kōrero kia whai wāhi atu hunga kāre pea i te mārama ki te reo Māori ki te tikanga o ngā kupu.

Ko te ra tuatahi tēnei e kite ai ngā kaituao o Te Matatini ki te Ao i ngā kapa ka tiakina e rātou. Ko te mahi whakahaere i ngā kaituao he uaua engari ma te whakatakoto māhere ka angitu ai rātou ki te tutuki i ngā mahi katoa. 
 

Kei te akiaki te kaunihera kia rāhuitia te wai e ngā kainoho o Tūranganui a Kiwa. Ka whai tēnei i te pāhū o te paipa matua.

Ko te ra tuatahi tēnei o te whakataetae Waka Ama 'Takapuna Beach Cup'. Mō te wa tuatahi he kapa hōu no Hingapoa kua tatu mai, ā ka wero atu ki ngā mana nui o te ao Waka Ama me te manako ia ka eke rātou ki ngā taumata. 
 

Ināianei, ka tūtaki atu tātau ki te kairaranga o ngā pōtae harakeke rongonui, ā, ka rongo he aha e uaua ai te whiwhi i tētahi o āna pōtae.

E whakatenatena ana Te Rōpu Tuhituhinga Māori i ngā kai tā i te kupu ki te tuku ā rātou pakiwaitara mō ngā tohu whiwhinga Pikihuia i tēnei tau. E ono ngā wāhanga hōu ā kua whakahou i te kaupapa kia whai wāhi atu ngā kaitito Māori ahakoa te iti rānei o a rātou wheako i ngā mahi tuhituhi. 
 

E whakatika ana te toa wāwāhi wūru a Joel Henare no Ngāti Porou mō tetahi whakataetae a rohe, he whakataetae whakaharatau i a ia tōmua i te whakataetae o te ao.  

He ture hōu e whakakore i te tangata te momi hikareti, hikareti tāhiko rānei ki rō motoka mehe tangata kei raro iho i te tekau ma waru te pakeke kei roto. E matapaetia ana ka pāhi te ture nei hei te mutunga o tēnei tau ā ka āhei ngā pirihimana te whakatū waka, te tuku whaina rānei.  
 

Kei te whai Te Kura Kaupapa Māori o Mangatuna ki Te Tairāwhiti i ngā tikanga haumaru ā-kura o Te Kāhui Matepukupuku hei tiaki i ngā tamariki i ngā hihi o te rā.

Ko te heamana o Ngā Taonga a Ngā Tama Toa Trust, arā te rōpū tiaki i ngā uri a Kamupene C, ko Walton Walker kei te whakahē i te whai a Ngā Kaitiaki ā motu o Waitangi. E hiahia ana Ngā Kai-tiaki ki te whakatū i tētahi whare whakamaumaharatanga mō ngā kamupene katoa o te rua tekau mā waru ki Waitangi, ahakoa kāre ngā uri o Kamupene C i te whakaae

Kei te whakarite te Kapa Haka o Hikurangi Pārihā i a rātau anō mō Te Matatini e whakaeke mai nei ki Te Whanangui ā Tara.