Jump to navigation Jump to content
He hōtaka a Paepae ki Whakaata Māori, ka tū ake a rangatahi me pakeke ki te taupatupatu i ngā kaupapa o nāianei, i te taha o Tūpoutahi me Chris Winitana.
Log in to watch this video
If you don't already have an account, sign up free to enjoy all Māori Television's content OnDemand
Ko ngā manuwhiri o Paepae i tēnei rātapu tonu hei te 6:30pm ko Mamae Takerei rāua ko Nanaia Mahuta nō ngā kāwairangaitira o te kāhuiariki e kōrero ana mō te kereme a Kīngi Tūheitia ki ētahi pitopito o Tāmaki Makaurau.
Ngā tohunga o te ao Māori, ko wai rātou, he aha te tūranga o te tohunga i roto i te ao Māori i ēnei rā. Ka tirohia e Paepae te ao o te tohunga, ko Waata Cribb te manuhiri.
Ko Ngahiwi Apanui, te pītau whakarei hou o Te Taura Whiri i Te Reo Māori, me tana whakahau kia hāngai tonu te reo Māori ki te ao matihiko.
Hei ngā wiki e rua e tū mai nei, kotahi o ia tekau mā whitu tāngata ka whakaaroaro mō te mate whakamomori. , oti rā ko ngā tāne Māori kei te werohia whānuitia e tēnei mate. Rangi McLean me Kawe Roes, Paepae, 6:30pm, Sunday.
Te mana o te wahine Māori, kua hanumi mai tā te Pākehā whakaaro? Kei te wānangatia tēnei take e Rhonda rāua ko Kōtuku Tibble, Paepae, 6:30pm, Whakaata Māori.
He aha rā te tūranga o ngā tāhine i runga i te marae? Kei te wānangatia tēnei take e ngā Kaikawekōrero o Paepae, e ngā manuhiri anō hoki e Hira Huata rāua ko Levi Bristowe.
I te nui o ngā tāne e whakawahine ana i a rātou i ēnei rā pēnā i a Caitlyn Jenner nō te whanau o ngā Kadashians, kua aro ake te whakaaro he aha rā te tū o ngā tāhine i runga i te marae . Paepae Rātapu 6:30pm Whakaata Māori.
Ko ngā manuwhiri o Paepae i tēnei rātapu tonu hei te 6:30pm ko Mamae Takerei rāua ko Nanaia Mahuta nō ngā kāwairangaitira o te kāhuiariki e kōrero ana mō te kereme a Kīngi Tūheitia ki ētahi pitopito o Tāmaki Makaurau.
I mamae te ngākau o tētahi kōtiro i te whakahau a te pirimia, he roa rawa te kotahi mārama hei whakatairanga i te reo Māori, ka hōhā te motu. Kei te hōhā tahi te tangata ki te reo Māori?
Ae rānei, kei ngā ika-a-whiro o ngā kura kaupapa o te motu te orangatonutanga o te reo he aha rānei?
Ko te nuinga o ngā tauira e puta mai ana i o tātou kura e matatau ana ki te reo Māori e whai mahi ana i roto i te ao papāho, i te kura rānei nō reira kei te ahu pēhea te mahuetanga iho o taua momo? Ko ngā manuwhiri kei runga i Paepae i te Rātapu nei ko Rawiri Wright rāua ko Hēnare Pitiroi.
Ahakoa kei te heke haere tonu te oranga o tō tātou reo, kei roto i ngā ringaringa o ngā mātua te orangatonutanga o te reo Māori e ai ki ngā manuwhiri o Paepae, ki a Mataia Kēpa rāua ko Mānia Clarke.
Kei te nui haere te kitea o ngā iwi taketake ki roto i ngā kēmu matihiko (video games) o te ao huri noa. Ki te kore tātau e kuhu ki te pupuri, ka riro tō tātau mana āhua ā-matihiko i iwi kē e ai ki ngā kaikōrero a Paepae i tēnei wiki.
