Jump to navigation Jump to content
He hōtaka a Paepae ki Whakaata Māori, ka tū ake a rangatahi me pakeke ki te taupatupatu i ngā kaupapa o nāianei, i te taha o Tūpoutahi me Chris Winitana.
Ahakoa kei te heke haere tonu te oranga o tō tātou reo, kei roto i ngā ringaringa o ngā mātua te orangatonutanga o te reo Māori e ai ki ngā manuwhiri o Paepae, ki a Mataia Kēpa rāua ko Mānia Clarke.
Ko ngā rangatira o āpōpō, mā wai e hanga? Mā ngā iwi, mā ngā kura, mā te ao Pākehā rānei? Whakaata Māori, 6:30pm a te rātapu.
Kua ara ake anō a Matariki e tangi ana ki nga mate kua pahemo ake i te po, e tohu ana i te tau hou me ōna hua katoa. Engari ko te urupounamu kei te pakitara o te pae i tēnei wiki ko tēnei nā, kei te whai mana tonu te mātauranga Māori i ēnei rā?
Kua whakamāorihia a Romeo rāua ko Hurieta, hei te wiki nei ka whakaatuhia ki te papa tapere i Tāmaki Makaurau. Ko Hurieta rāua ko te kaiwhakahaere a Reikura Kahi ngā manuhiri o Paepae.
Kua neke atu i te kotahi miriona me te hawhe te tokomaha o ngā tāngata kua huri mai ki te mātakitaki i tētahi kapa e poi ana ki tētahi o ngā waiata a Beyonce. Ko te kaihautū me te kaiwhakarite poi ngā manuhiri o Paepae i tēnei wiki.
Mai i te timatanga o te wiki o te reo Māori i ngā whā tekau tau ki muri kua piki ake te nui o nga tāngata e kōrero Māori ana engari kua heke haere te rahi o ngā tāngata e ako ana i te reo Māori, he aha ai?. Kei i a Hinurewa Poutu rāua ko Tawhirimatea Williams ngā kōrero i runga i te pae i tēnei wiki.
Kei te nui haere te kitea o ngā iwi taketake ki roto i ngā kēmu matihiko (video games) o te ao huri noa. Ki te kore tātau e kuhu ki te pupuri, ka riro tō tātau mana āhua ā-matihiko i iwi kē e ai ki ngā kaikōrero a Paepae i tēnei wiki.
Ahakoa kei te heke haere tonu te oranga o tō tātou reo, kei roto i ngā ringaringa o ngā mātua te orangatonutanga o te reo Māori e ai ki ngā manuwhiri o Paepae, ki a Mataia Kēpa rāua ko Mānia Clarke.
Ko te nuinga o ngā tauira e puta mai ana i o tātou kura e matatau ana ki te reo Māori e whai mahi ana i roto i te ao papāho, i te kura rānei nō reira kei te ahu pēhea te mahuetanga iho o taua momo? Ko ngā manuwhiri kei runga i Paepae i te Rātapu nei ko Rawiri Wright rāua ko Hēnare Pitiroi.
Ae rānei, kei ngā ika-a-whiro o ngā kura kaupapa o te motu te orangatonutanga o te reo he aha rānei?
I mamae te ngākau o tētahi kōtiro i te whakahau a te pirimia, he roa rawa te kotahi mārama hei whakatairanga i te reo Māori, ka hōhā te motu. Kei te hōhā tahi te tangata ki te reo Māori?
Ko ngā manuwhiri o Paepae i tēnei rātapu tonu hei te 6:30pm ko Mamae Takerei rāua ko Nanaia Mahuta nō ngā kāwairangaitira o te kāhuiariki e kōrero ana mō te kereme a Kīngi Tūheitia ki ētahi pitopito o Tāmaki Makaurau.
I te nui o ngā tāne e whakawahine ana i a rātou i ēnei rā pēnā i a Caitlyn Jenner nō te whanau o ngā Kadashians, kua aro ake te whakaaro he aha rā te tū o ngā tāhine i runga i te marae . Paepae Rātapu 6:30pm Whakaata Māori.
