TV show sub navigation

Ngā wāhanga katoa - Ngā Tāngata Taumata Rau: Te Waipounamu

Ngā Tāngata Taumata Rau - Te Waipounamu, ngā wāhanga katoa.



Ūpoko 1 - Justin Tipa

Ka tae atu a Hana Mereraiha ki Moeraki ki te tūtaki i a Justin Tipa me te whakarongo ki āna kōrero mō ngā mahinga kai a tona iwi me tana aroha ki te whakarauora i te reo Māori.



Ūpoko 2 – Hana O`Regen

Ka haere atu a Hana Mereraiha ki Te Rūnanga o Ngāi Tahu, ki te tūtaki i te Kaiwhakahaere – Oranga a Tākuta Hana O’Regan. Ko tāna he kōkiri i ngā mahi e pā ana ki te mātauranga, whai mahi, tiaki pūtea me te whakatipu pākihi i Ngāi Tahu whānui.



Ūpoko 3 – Te Rua Mason

Ka haere atu a Waipounamu Te Karu ki Arahura Marae ki te tūtaki i a Te Rua Mason me te whakarongo ki āna kōrero mō Ngāti Waewae, Te Tai Poutini me tana ngākaunui ki te whakarauora i te reo Māori me ōna tikanga.



Ūpoko 4 – Karuna Thurlow

Ka tau atu a Waipounamu Te Karu ki Spreydon i Otautahi ki Te Kura Kaupapa Māori o Te Whānau Tahi ki te tūtaki i Pūkenga mātauranga Māori a Karuna Thurlow, he kaitito reo Māori e ngākaunui ana ki te mātauranga Māori me ngā mahi whakarauora reo i tana hāpori..



Ūpoko 5 – Te Marino Lenihan

Ka haere atu a Hana Mereraiha ki Otautahi ki te tūtaki i te Kaiārahi Māori kei Ara – Te Kuratini o Waitaha a Te Marino Lenihan me te whakarongo ki āna kōrero hei hāpai i ngā tauira Māori kia tutuki i ā rātou mahi me āna mahi whakarauora anō i ngā mahinga kai i Otautahi.



Ūpoko 6 – Maatakiwi Wakefield

Ka toro atu a Hana Mereraiha Skerrett-White ki te marae o Rapaki, ki te tūtaki i te kaitiaki pukapuka a Maatakiwi Wakefield me te whakarongo ki āna kōrero mō tana aroha ki ngā mahi kapahaka me ngā mahi raranga.



Ūpoko 7 – Te Mairiki Williams
Ka tae atu a Hana Mereraiha Skerrett-White ki Taumutu, ki te Papa o Awhitu ki te tūtaki i a Te Mairiki Williams me te whakarongo ki āna kōrero mō ngā mahi mau rākau hei kawe i ngā tikanga Māori ki te ao tūroa.



Ūpoko 8 - Mereana Moki Kiwa Hutchen 
Ka toro atu a Waipounamu Te Karu ki Addington i Otautahi ki te tūtaki i te kaiwhiwhi Mētara Whakanui Ratonga a te Kuīni a Mereana Moki Kiwa Hutchen me te whakarongo ki āna kōrero mō āna mahi whakahau kaupapa Māori, kaupapa wāhine, tamariki hoki.


Ūpoko 9 – Kylie Nepia
Ka toro atu a Waipounamu Te Karu ki Waiharakeke ki te tūtaki i te kaiwhakahaere o Omaka Marae, kaitakawaenga mō Ngāti Apa ki te Rā Tō a Kiley Nepia me te whakarongo ki āna kōrero mō ngā mahi tāpoi Māori me te whakarauora i te reo Māori ki waenga nui i tōna iwi.



Ūpoko 10 – Rita Powick

Ka tau atu a Waipounamu Te Karu ki Waikawa ki te tūtaki i te heamana o Waikawa Marae a Rita Powick me te whakarongo ki āna kōrero mō ō rātou kai tuturu me te hītori o Te Ati Awa.



Ūpoko 11 - Te Huaki Puanaki
Ka tae atu a Waipounamu Te Karu ki Woolston i Otautahi ki te tūtaki i te kaiwaiata Māori a Te Huaki Puanaki me te whakarongo ki āna kōrero mō tana arohanui ki te ao pūoro me ngā mahi a Rehia.



Ūpoko 12 - Merita Waitoa- Paki

Ka tau atu a Hana Mereraiha Skerrett-White ki Te Kura Whakapūmau i Te Reo Tūturu ki Waitaha, ki te tūtaki i te tumuaki a Merita Waitoa-Paki me te whakarongo ki āna kōrero mō āna mahi i roto i te ao tuku mātauranga Māori me te ārahi I tana kapahaka a ‘Ngā Manu a Tane’.



Ūpoko 13 - Tahu Pōtiki
Ka toro atu a Hana Mereraiha Skerrett-White ki Otepoti ki te tūtaki i a Tahu Pōtiki me te whakarongo ki āna kōrero mō te Tino Rangatiratanga o Ngāi Tahu ki tōna whenua, ki tōna reo me ōna tikanga