Jump to navigation Jump to content
Ko ngā kaikōrero Māori o Te Waipounamu ka whakaatuhia e tēnei pakipūmeka reo Māori.
Ko Maatakiwi Wakefield, kaihaka, kairaranga, kaitiaki pukapuka, te kaupapa o te haere a Hana Mereraiha ki te marae o Rapaki. Ka kōrero mai a ia mō tōna kohara mō ngā mahi ā Rēhia me Tānerore, me ngā mahi raranga taketake.
Ka toro atu a Hana Mereraiha Skerrett-White ki Otepoti ki te tūtaki i a Tahu Pōtiki me te whakarongo ki āna kōrero mō te Tino Rangatiratanga o Ngāi Tahu ki tōna whenua, ki tōna reo me ōna tikanga. (WHAKAMUTUNGA)
Ka tau atu a Hana ki Te Kura Whakapūmau i Te Reo Tūturu ki Waitaha, ki te tūtaki i te tumuaki a Merita Waitoa-Paki me te whakarongo ki āna kōrero mō āna mahi i roto i te ao tuku mātauranga Māori me te ārahi i tana kapahaka a ‘Ngā Manu a Tane’.
Ka tae atu a Waipounamu Te Karu ki Woolston i Otautahi ki te tūtaki ki te kaiwaiata Māori a Te Huaki Puanaki, ki te whakarongo ki āna kōrero mō tana arohanui ki te ao pūoro me ngā mahi a Rēhia.
Ka tau atu a Waipounamu Te Karu ki Waikawa ki te tūtaki i te heamana o Waikawa Marae a Rita Powick me te whakarongo ki āna kōrero mō ō rātou kai tuturu me te hītori o Te Ati Awa.
Ka toro atu a Waipounamu ki Waiharakeke ki te tūtaki i te kaiwhakahaere o Omaka Marae, kaitakawaenga mō Ngāti Apa ki te Rā Tō a Kiley Nepia me te whakarongo ki āna kōrero mō ngā mahi tāpoi Māori me te whakarauora i te reo Māori ki waenga nui i tōna iwi.
Ka toro atu a Waipounamu Te Karu ki Addington i Otautahi ki te tūtaki i te kaiwhiwhi Mētara Whakanui Ratonga a te Kuīni a Mereana Moki Kiwa Hutchen me te whakarongo ki āna kōrero mō āna mahi whakahau kaupapa Māori, kaupapa wāhine, tamariki hoki.
Ka tae atu a Hana ki Taumutu, ki te Papa o Awhitu tutaki ai kia Te Mairiki Williams, ki te rongo hoki ki ana korero mo nga mahi mau rakau hei kawe i nga tikanga Maori ki te ao hurihuri.
Ko Maatakiwi Wakefield, kaihaka, kairaranga, kaitiaki pukapuka, te kaupapa o te haere a Hana Mereraiha ki te marae o Rapaki. Ka kōrero mai a ia mō tōna kohara mō ngā mahi ā Rēhia me Tānerore, me ngā mahi raranga taketake.
E haere ana a Hana ki Ōtautahi ki te tūtaki ki a Te Marino Lenihan, te Kaitohutohu Rautaki Māori mō te Ara Institute o Waitaha. Ka tohaina e ia tana hiahia ki te whakapiki ake i te kaute o ngā tauira Māori e whakaoti ana i a rātau akoranga kura tuatoru.
Ka haere a Waipounamu ki Ōtautahi ki te tūtaki ki a Karuna Thurlow, he kaituhituhi ōrite ki a ia mō tōna ngākaunui ki te mātauranga Māori me te whakarauoratanga o te reo i tōna hapori.
Te Waipounamu. Ko te Rua Mason o te Marae o Arahura te kaupapa e haere ana a Waipounamu ki te tūtaki. Ko ngā kōrero mō Ngāti Waewae, Te Tai Poutini me tana kohara mō te whakarauoratanga o te reo Māori me ngā tikanga ka tohaina mai e ia.
Te Waipounamu: Kei Te Rūnanga o Ngāi Tahu a Hana e haere ana ki te tūtaki ki a Tākuta Hana O’Regan, Kaiwhakahaere. Ko te mātauranga, mahi, te matatau ā-pūtea me te hanganga pakihi ngā wāhi e whā o tōna arotahi.