Jump to navigation Jump to content
Ka kawea atu te whakangahau ki tō whare e ō kaiwaiata makau, Te Tokowhā Māori Hou.
Log in to watch this video
If you don't already have an account, sign up free to enjoy all Māori Television's content OnDemand
Ko ngā waiata aroha toa rawa atu ka waiatahia e te Tokowhā nei me ā rātau manuhiri, pērā ki ā Solly Hemara e waiata ana mō ngā pikitia hei te pō o te Rāhoroi, tae noa ki ā Ria Hall e hiki ana i te whare me tōna reo kaha.
Ka hoki mai anō a Whare Isaac-Sharland me ana tamariki e rua ki te waiata. Pukukata katoa ngā tāne i a Miss Kihi Ririnui, e kī ana kāre a ia e haere ana ki te paati hei kaiwaiata, he ‘kaikawe’ kē a ia.
Ko ngā waiata kapo i te manawa a te pō nei. He taitāhae me te waiata a Frank Sinatra, ‘Fly me to the Moon’, ko Jason Te Patu me tana mihi ki tōna koro me te waiata ‘My Eyes Adored You’. Ka haere tonu ngā mahi pukukata a te Tokowhā ki te tae atu i te wā tika.
Ka tūtaki te Modern Māori Quartet i tētahi tokotoru i whakaora anō i te waiata ‘Sweet Inspiration’ a ngā Yandall Sisters. Ka tohaina mai e Hēnare Kīngi he waiata mai i tōna itinga, me tētahi kōrero pukukata mō te paerenga ā-kāinga.
He hoa rātau, ā, i pakeke tahi ngā Tukorehe tenors i te marae o Kuku. Ka tohaina mai e rātau ngā waiata i ākonahia e rātau i ngā wā whakangahau o tō rātau whanaketanga.
Ka tino whakamātauhia ā-tinana, ā-hinengaro, ngā tāne me ngā wāhine ki te tuku wero ki a rātau anō.
He hōtaka kotahi hāora kī ana i ngā waiata. Ka kawea atu te whakangahau ki tō rūma noho me tō rōpū Māori makau, Te Modern Māori Quartet.
Ko ngā waiata aroha toa rawa atu ka waiatahia e te Tokowhā nei me ā rātau manuhiri, pērā ki ā Solly Hemara e waiata ana mō ngā pikitia hei te pō o te Rāhoroi, tae noa ki ā Ria Hall e hiki ana i te whare me tōna reo kaha.
He pukukata kei te haere ka whakarerekēhia ana e ngā Kuia me ngā Koroua tētahi waiata tawhito, koirā te mahi ā te Whaea Kēkē a Dorothy Brown i tēnei pō.
Ko ngā waiata kukume i ngā kare-ā-roto ka whakaatuhia a te pō nei. He waiata manaakitanga mō ngā wāhine Māori tā te Tokowhā Māori o Nāianei, otirā ka waiata mai a Marama Wilson.
Hei te pō nei ko ngā waiata mautohe me ngā mahi tōrangapū ka rongohia. Ka waiata mai Te Tokowhā i tā rātau ake waiata, he wai māmā, e mihi hātekēhi ana ki ngā ringawera, te hunga whakahaere tika o ngā hui.
Ko ngā waiata ka waiatahia ā muri ō ngā whaikōrero ka rongohia a te pō nei. Ka waiata mai a Temuera Morrison i tētahi o ngā waiata tuatahi i ākongahia e ia, ā ka tū mai a Te Waka Huia me tētahi waiata rongonui ō mua.
Ka huihui te rōpū me ētahi o ō rātau hoa pūoro ki te whakaputa i ngā waiata haere rori. Ko Jan Hellriegel rāua ko Troy Kingi ērā, ka waiata Māori mai ngā tungāne e rua ō Kaitaia.
