Jump to navigation Jump to content
Kei Rarotonga ēnei tāne Māori hātekēhi a Matene, Dazza me Jeff Cleave e hī ana mō te mātauranga, e hī ana hoki i ngā ika hei kai mō te tēpu! Ia Rātū, 8.30 i te pō.
Kei te motu Aotea a Matene, Dazza me Jeff Cleave, ā, he whakaemi kaimoana mō tētahi tangihana te kaupapa. Ka oti anō tenei mahi i a rātau?
Kei te kimi ngā tungāne Matau i tētahi horotai rerekē i te Motu nui o Aotea, ko te whai tērā.
Ka haere ngā tungāne whakatara ki tētahi wāhi tata ki te Moutere o Rakitu, e kīa ana kei reira te maha o ngā Haku. Ka toa te hangarau hī ika ā Mātene? Ka mutu anō tā rāua kōhetehete ko Jeff kia tareka ai te whiu mōunu ki rō wai?
He haku me te tāmure te whāinga i runga i te Motu o Aotea, ā, ka hono atu a Mairehau ki te taha o Matene rāua ko Dazza, koirā te wahine a Jeff. Ka puta he rangi paki? Otirā, ka toa ake te wahine i ngā tāne?
Kei te whanga o Fitzroy ngā Tungāne Cleave e haere ana ki te tiki kaimoana mō tētahi hui. Te mate noa iho, me whakatau a Matene rāua ko Dazza ko tēhea te mea nui, ko te hī ika, ko te poiwhana rānei?
Ka kawea e ngā tungāne Cleave ngā rangatira e 2 ki te whakaatu i tō rātau ‘kāpata kai i rō wai’. Ā muri atu ka whakaatuhia e Mark, te tama a Dazza, ōna matua kēkē me pēhea te hopu tāmure kaitā.
He haere anō tā ngā tungāne Cleave ki Aotea. Mēnā e hiahia ana koe ki te tuna me te wātakirihi, aro mai ki ngā tāne e whakamātau ana ki te hopu taniwhā mā te hīnaki taketake.
Ko tō rātau papakāinga tīpuna o Rarotonga e karapotihia ana e ngā wai karekare te wāhi e haere ana ngā Tungāne Matau mō te rā tuatahi. I utua a Dazza mō tōna hiringa, ā, he Wahoo nunui pea te otinga.
He hopu i te Raumarie Kaitā, te ika niwha rawa atu ki te whawhai i Rarotonga, te mahi a ngā Tungāne Matau. Ka tipu ki te 80 kirokaramu, he ika ka tino hiahia te kaihī kia mau i a ia.