Ka wetewete ngā kaipūrongo i ngā mahi o te rā mai i te taiwhanga kawepūrongo.

E ai ki te pōti a Whakaata Māori ko Jacinda Adern te Pirimia e hiahiatia ana e ngā kaipōti Māori, ka peka atu tātau ki a Heta Gardiner; ka hono mai ngā kaitono o Te Tai Hauāuru, a Jack McDonald o te Pāti Kākāriki, Howie Tāmati o te Pāti Māori me Adrian Rurawhe o te Pāti Reipa ki te taupatupatu i ngā take pōti o nāianei.

Ka haere ake a Manahou Mackay, whakakite kahu, ki te kōrero mō tana wā tuatahi i NZ Fashion Week; ka kōrero a Mika mō ngā whakataki a tētahi Minita nō Tāmaki ki te Uru; ka whakarāpopotohia ngā take ā-ipurangi e ngā kairipoata.

Mai i te whare hou ka whakapāho mātau i taua wā tonu mō te wā tuatahi; i karaunahia a Harlem-Cruz Atarangi Ihaia kia Miss Universe NZ 2017, ka kōrero mātau ki a ia, ka hono mai hoki a Brooke Rachel Houia, te tuarua, me Tania Dawson, te toa o 2016; ā, ka kōrero mai a Mātai Smith rāua ko Harata Day mō ā rāua mahi i Itāria.