Jump to navigation Jump to content
Ko te mūrau a te tini me te wenerau a te mano te whāinga a KAWEKŌRERO mai i te pae pāpāho me te ao.
Log in to watch this video
If you don't already have an account, sign up free to enjoy all Māori Television's content OnDemand
Ka tuku mihi a Pouroto Ngaropo ki tētahi o ngā kuia mana nui o Tauranga Moana; e tautoko ana a Gareth Morgan i te tū a Te Ururoa Flavell mō te reo Māori i rō Paremata; ko te Whutupōro Nui te kaupapa ā Jamie Wall.
E tū kaha ana a Metiria Turei ki ngā tauwehe i waenga o te Pāti Kākāriki, inā hoki e rua ngā mema kua heke mai i ō rāua tūru; e whakahau ana a Mika i Tāmaki Makaurau mō te Opportunities Party me tana kī atu ki ngā taiohi kia whakaturea te tarutaru kanapī; ka hono mai a Mika rāua ko Dsyfr ki te kōrero mō tērā kaupapa.
Mō te pōti whānui o tēnei tau e tino tautoko ana a Tame Iti i a Wetex Kang, kaitono mō te Pāti Māori; ka hono mai a Rāhui Papa me tana kaupapa ki te whakarato waka tūmatanui utu kore ki ngā tauira; Kua whiwhi tūnga a Te Paea Selby-Rickit me ngā Mauku Hiriwa; otirā ka hono mai a Rosita Worl, Tangata Whenua nō Alaska.
Ka wetewete ngā kaipūrongo i ngā mahi o te rā mai i te taiwhanga kawepūrongo.
E kōrero ana a Alfred Ngaro mō te hekenga tere o te matatautanga o ngā Kuki Airini o Aotearoa hei tohu i te Wiki o te reo Māori Kuki Airini; ka kōrero ki a Marama Fox e pā ana ki ngā tikanga whānau pēpi o Jacinda Adern; ka arotakehia e Te Kuru Dewes te kiriata Waru i whakarewahia i te taiopenga kiriata ā-Motu o Aotearoa.
Te uruparenga ā Te Ururoa Flavell ki ngā kaiārahi hou a te Paati Reipa; e tautoko ana a Nanaia Mahuta; ka kōrero a Tukaha Milne o Kawakawa Cafe 39 mō a rātou kaimahi kōrero reo Māori; ka homai a Chris Lowman, ākonga o te reo, i ōna kitenga e pā ana ki te reo Māori.
Ka hono mai a Heta Gardiner me Kelvin Davis, te Māori tuatahi ki te whiwhi i te tūnga tuarua mō te Paati Reipa; ngā whakaaro o Roihana Nuri mō te ao tōrangapū; ko te 1 o Hereturikōkā 2017 te tīmatanga o te Marama Pūoro Māori; ka kōrero ki a Tawaroa Kawana o Maimoa Music, i tohua mō te ataata whaitake mō tā rātau waiata 'Wairua'.
Ka tuku mihi a Pouroto Ngaropo ki tētahi o ngā kuia mana nui o Tauranga Moana; e tautoko ana a Gareth Morgan i te tū a Te Ururoa Flavell mō te reo Māori i rō Paremata; ko te Whutupōro Nui te kaupapa ā Jamie Wall.
He uiūinga motuhake me Nore Martin, māngai mō te whānau Campbell; ka huri ki a Heta Gardiner e pā ana ki te whakataki a Winston Peters i Paremata; ka uiuihia a Josh Cesan o Identity Dance Company, mō ā rātau whakaritenga mō ngā Whakataetae o te Ao.
I whiu kōhatu a Kelvin Davis ki te Paati Māori; kei Toronto, Canada a Hohepa Hei i tētahi Hui nui o Ngā Iwi Taketake o te Ao mō te Mātauranga; ka hono mai a Mataia Keepa mai i Washington DC, kei reira e whakatairanga ana i te ahurea Māori.
Ka kōrero mātou ki a Tame Iti mō te hokotanga o tana pikitia. Kei Tahiti a Renee Iosefa-Kahukura mō te taiopenga Heiva ā-tau. Kei te whakatū hīkoi a Shane Taurima ki te whakaara arokā mō te hunga kore-whare i Tāmaki ki te Tonga. Ngā kōrero hou ā Kawiti Waetford mō tana mahi kohi moni i ngā rā whakatā kua pahure.
Ka whakapāhohia I TAUA WĀ TONU e Kawe Kōrero Ngā Tohu Matariki i tū ki Tāmaki Paenga Hira. Ka whakanuia ā tātau angitū Māori, ka kōrero hoki ki ētahi o te hunga i tae ake ki tēnei pō whakakitekite.
