Jump to navigation Jump to content
He mahi ahurei ka whakahaerehia e ngā wāhine Māori, ko te ao o te Karanga ka tirohia e tēnei pakipūmeka, Karanga: The First Voice.
Ko te reo Māori, ngā tikanga me te karanga ētahi o ngā mahi ka ākongahia e ngā kōtiro o Turakina Māori Girls College. Ka whakamārama mai a Terehia Channings, tumuaki, i te whakatau ā te kura mō tērā.
Kua hoki mai te hotaka nei ki ngā kaikaranga o te motu, e kōrero ana ki tētehi kaupapa ia wiki. Hei te pō nei: Mā wai rā e taurima? Ngā piki me ngā heke o tēnei mahi, te karanga. (TUATAHI)
Ko te mana tuku iho me te tūnga ahurei o ngā wāhine nā te whare tangata, ngā kaupapa ka kōrerohia e Naida Glavish. Ko Heather Muriwai, tapuhi Māori, me ngā tuahine a Lynley rāua ko Hinemoa ka kitea i tēnei wāhanga.
I roto i ana karanga ka whakahua a Makuini Ruth Tai i te taiao. Ka whakahua a Brigitte Te Aweawe i te Runga Rawa, he tauira minita Mihinare a ia.
Ko ngā marau mōmona me ngā pohewa ka whakamahia e ia i roto o ana karanga, te kaupapa kōrero ā Whakaarahia Koroheke ō Taranaki, Waikato-Maniapoto.
He rautaki hautupua kua 40 tau e whakahaerehia ana e Te Kotahitanga mō te whakawhenua anō i te reo me ngā tikanga me tērā pānga ki te karanga, ka rongo tātau i ngā kōrero mō Whakatupuranga Rua Mano.
He rautaki reo ki te whakawhānui i te mātauranga o te whānau mō te mita o Taranaki mā te waiata, whakapapa, hītori me te karanga, tā Te Ingo Ngaia me Puna Wano Bryant.
Ko te reo Māori, ngā tikanga me te karanga ētahi o ngā mahi ka ākongahia e ngā kōtiro o Turakina Māori Girls College. Ka whakamārama mai a Terehia Channings, tumuaki, i te whakatau ā te kura mō tērā.
Ka whakawhitiwhiti kōrero mo ngā āhuatanga o te karanga i te ao whakaari. Ka tūtaki hoki ki ētahi kaikaranga tokorua no te ao kapa haka.
Ka tīmatahia e Maaki Howard ia pōtaetanga mā te karanga, ko ia te kaikaranga i AUT. Ka kōrero mai a Awhitia Mihaere, kaiwhakaora, mō te pānga o te karanga ki te taha hauoratanga.
He kaiako i te kura o Hoani Waititi, he kaikaranga hoki i te marae, ko Anna Berry tērā. He wahine Pākehā ia. Ka taupatupatuhia e te pae kōrero ngā mahi kaikaranga ā ngā wāhine Pākehā nei.
I te Whakatūtū Gay Pride i Tāmaki Makaurau ka whai tātau i te kaikaranga, a Selena Pirika, he tāne ia kua huri hei wahine. Ka rongo tātau i ngā whakaaro o Mera rāua ko Rhonda.
He whakawhitinga whakaaro mo te mahi o te kaikaranga hei wahine manaaki, te whakaputa karanga me ngā āhuatanga papai o te karanga. (WHAKAMUTUNGA)
