Jump to navigation Jump to content
Ko tā tēnei hōtaka he mataaho ki te ao kapa haka me ngā whānau e manawanui ana ki te kaupapa.
Kei tēnei wāhanga ko Te Iti Kahurangi te kaupapa o te pō. Ka kōrero mai a Kingi Kiriona mō tana hīkoi mai i te kōhanga reo i Tānewaka ki ngā mahi ā Tānerore i te Edinburgh Tattoo.
I te wāhanga tuatahi o Kapa Haka Whānau ka kite tātau i te whānau Morrison o Te Arawa. E rima ngā kaiārahi kapa haka o te motu kua tū mai i tēnei whānau, he maha ngā wā mīharo, ā, kei te kaha tonu te haere o te taonga tuku nei i roto o ngā tau 40 neke atu. (TUATAHI)
Ko Sheree rāua ko Elliot Cotter ngā kanohi, ngā poupou mō Te Rerenga Kōtuku, te kapa haka toa o Ngāti Kahungunu. Mātakitaki mai ki a Kapa Haka Whānau mō ngā kōrero ahurei mō tō rāua hononga whaiāipo.
I tēnei pō: Ka whai tātau i te whānau Alesana o Whakatū, nō ngā iwi Hāmoa/Māori tēnei whānau ngākaunui ki te ao kapa haka, nā tērā kua eke rātau ki ngā taumata hou i te ao whakataetae o Te Waka ā Māui.
Kei tēnei wāhanga ko Te Iti Kahurangi te kaupapa o te pō. Ka kōrero mai a Kingi Kiriona mō tana hīkoi mai i te kōhanga reo i Tānewaka ki ngā mahi ā Tānerore i te Edinburgh Tattoo.
Kei te whare tātau o Tukiterangi rāua ko Renata Curtis i te rohe o Ngāti Rongomai, he tokorua mīharo e ngākaunui ana ki tō rāua iwi, te ao Māori mā roto i ngā āhuatanga katoa o ō rāua oranga toritori.
I roto o ngā piki me ngā heke o ngā take ā-iwi, kua noho tūturu te whānau Ngātoko o Tauranga Moana ki tō rātau whakapapa, ka kawea hoki ā rātau kōrero mā roto i tō rātau rōpū haka, a Ngāti Ranginui.
Ka tirohia te tira haka Te Rōpū Manutaki me ngā kōrero ā Tā Pita Sharples, tētahi o ngā kaiārahi toa o te ao kapa haka. Ko tēnei te tuatahi o ngā wāhanga e rua e titiro ana ki te taonga tuku hautupua o tēnei kapa.
Moe mai i roto i te ariki, i roto i āu tupuna kua whetūrangitia me rātou o te wāhi ngaro, mokopuna ā Hēmi raua ko Ngāhiriwa Tai Tin, pōtiki a Mau raua ko Karina, Irakewa Tāhūhū-Nui-a-Rangi Rōmana Wiremu Ratima Tai Tin. Haere whakaoti (Whiringa-a-Nuku 9 – Hakihea 6, 2016).
