Jump to navigation Jump to content
Ko ngā putanga Reo Māori o te pakiwaituhi Avatar. Tuarua, Rāmere 28 o Hakihea, 6.40 i te ata.
Ko Pato nō te Iwi Wai. Ka tūpono atu te tira ki tētahi kaipuke nō te Iwi Wai me tōna kaitiaki. He hononga tēnei ki te pāpā o Tōka rāua ko Katāra. I te whāinga o te tira e Hūko rāua ko Hune, ka whawhai anō te tira kia kore ai e mau.
Te Matakite. I te taenga o te tira ki te pā o tētahi wahine matakite, o Whaea Wū, ka rongo rātou ki ētahi kōrero mō ngā āhuatanga ka pā hei ngā rā kei te heke mai.
Te Wairua Aumoana. Ka mau a Angi i a Hāo, engari ka riro mā Te Wairua Aumoana a Angi e tohu. I a rāua e whāia ana e te Iwi Ahi, ka hinga te tangata mau kōpare, ā, ka kitea e Angi ko wai kē te tangata i huna rā i muri i te kōpare.
Te Āwhā. Ka mōhio a Katāra ki te take i oma ai a Angi i tana iwi, ka mau ai ki roto i te motukeo, ā, ka puta he āwhā i te moana i a Tōka e āwhina ana i tētahi kaihī ika.
Te Pākohu Nui. Me whakawhiti te tira i tētahi pākohu nui, engari i te tūtakihanga ki ētahi iwi e rua e riri ana ki a rāua anō, ka mate a Angi ki te whai rautaki e mau ai te rongo i waenga i ngā iwi rā.