TV show sub navigation

Te Ururoa Flavell

Māori Party

Ko Te Ururoa Flavell te mema pāremata mō te rohe pōti o Te Waiariki, koia hoki te Minita Whakawhanaketanga Māori i tēnei wā tonu. Ko Tamati Coffey o te Rōpū Reipa tōna hoa whakataetae.

Ērā atu kaitono i: Waiariki

Ētahi atu: Te Ururoa Flavell

Pūrongo

Kua puta te karanga ki te kāwanatanga ki te whakatū putea hei whakakore i te noho pōkaikaha a ngā tamariki

Kei te kōkiri te tumuwhakarae o Whāngaihia te Matekai i te kāwanatanga ki te whakatū tahua putea hei whāngai i ngā tamariki i roto i ngā kura katoa.

Otia, kua whakamānawahia te poukōkiri i ngā kai i roto i ngā kura a Laurie Wharemate-Keung ki te tohu New Zealand Order of Merit, mō āna mahi hāpai i ngā tamariki.

Pūrongo

Kei te whakatewhatewhangia tonu ngā pirihimana i te kōhuranga o tētehi tāne nō te moutere o Matakana

He kōhurutanga e whakatewhatewhangia ana e ngā pirihimana whai muri i te matenga o tētahi tāne e rua tekau mā rua tau te pakeke, nō te moutere o Matakana i te rangi tuatahi o te tau hōu Pākehā nei.

I tēnei wā, he kōrero whakamārama e hiahiatia ana e nga pirihimana o Tauranga te hunga i noho ki te hopuni rangitahi ki te Rori o Matakana Point i te rā i mua, i te rā tonu o te tau hōu anō hoki. Koira te wāhi i kitea ai te tūpāpaku.

Pūrongo

Inā te nui o te hiahia āwhina kai a Te Ope Whakaora

Ehara i te mea ohorere inā te nui o te hiahia āwhina kai a Te Ope Whakaora i te wā kirihimete nei. Koira te whakahau a te heamana o te marae o Te Puea a Hurimoana Dennis.

Tōna tekau mā ono mano ngā tamariki i āwhinatia e Te Ope Whakaora, heoi, hei tā Dennis, e pēnei ana te āhua i te maha kē atu o ngā take kei te pēhi i ngā whānau.

Pūrongo

E whakaae ana a Hurimoana Dennis ko ngā take pūtea me ngā take whare te māharahara nui ki te iwi Māori

E ai ki tētahi tatauranga hōu ko te moni tārewa me te utu nui i ngā whare, noho kāinga kore ngā nawe matua ki te iwi Māori.

Hei tā te māngai o te marae o Te Puea, hei tā Hurimoana Dennis, ehara i te mea ohorere ngā kitenga nei, otia e pēnei hoki ngā toimahatanga e pēhi ana ngā whānau kei te āwhina i a rātou.

Pūrongo

Te Kāea: He Maimai Aroha 2018

Ka whakawāteahia tēnei wāhanga o Te Kāea i tēnei tau ki te whakamaumahara i ētahi o ngā taniwhā hikuroa o te ao Māori kua mene atu rā ki te pō.

Pūrongo

Ka tae ā-tīnana atu te Minita o Whānau Ora Minister ki te marae o Ngā Whare Waatea

Ki te tonga o Tāmaki, kua tae ā-tinana atu te Minita o Whānau Ora a Peeni Henare ki te marae o Ngā Whare Waatea i te rā whakamutunga hei tuari pouaka kai, nā te tono a te Kaiwhakahaere o Whānau Ora ki Te Uepu Noho Taone o Manukau i tuku.

Kei te hiahia hoki te kaiwhakahaere, a Veronica Henare ki te akiaki i te kāwanatanga kia kaha ake te tautoko ki ngā whānau pōkaikaha i te wā kirihimete.

Pūrongo

E whakaaro ana te Minita Manatū Whakahiato Ora kia whakatū tari iti ki ngā marae

Ko te whakatū tari iti o Te Manatū Whakahiato Ora kei te whai whakaarohia e te Minita. He karanga tērā nā te tumu whakarae o Papakura Marae rāua ko te kaiwhakahaere o Whānau Ora ki MUMA.

E ai ki a rāua, e whakatauirahia ana taua whakaaro e tā rātou mahi ngātahi ki ngā kai-mahi whakahiato ora hei tuari i ngā pouaka kirihimete ki te huhua o ngā whānau pōkaikaha.

Pūrongo

E wero ana te kāwana kia tūwhera ake ngā pūkoro hei āwhina i ngā whānau pōkaikaha hei te Kirihimete nei

Inā te nui o ngā hiahia tē taea te whakatutuki. Koirā te whakahau a te kaiwhakahaere o Whānau Ora ki Te Uepu Noho Taone o Manukau mō te tokomaha o ngā whānau e haere atu ana ki te marae o Ngā Whare Waatea ki te tonga o Tāmaki Makaurau ki te whiwhi pouaka kai.

Ko te whakapae a Veronica Henare e hia rau ngā whānau ka noho kai kore tonu hei ngā rā o te kirihimete nō reira me tūwhera te kāwanatanga i ngā pūkoro hei āwhina.

Whakaatu hua anō

Te Kāea i runga i Facebook

Twitter