TV show sub navigation

Metiria Turei

Green Party

E tū tonu ana a Metiria Turei, kaiārahi takirua ō-mua o te Rōpū Kākāriki, i te whakataetae mō te tūru o te Tai Tonga.  Ko tāna e whai noa iho nei, ko te pōti ā-pāti.

He mea hua tēnei āhuatanga whai muri i tōna hekenga i te tūranga kaiārahi takirua, nā runga i tōna kōrero pono mō āna mahi tinihanga i a ia e kaipenihana ana.

Ērā atu kaitono i: Te Tai Tonga

Ētahi atu: Metiria Turei

Pūrongo

E noho wāhi rua ana ngā whakaaro i tau tuatahi o te kāwanatanga tūhono

E tōtara wāhi rua ana ngā whakaaro o te marea i te tonga o Tāmaki Makaurau mō te whai hua a te Māori i te kāwanatanga tūhono hōu nei. He kotahi tau kua hipa i te aranga ake o Reipa me Aotearoa Tuatahi hei kāwanatanga tūhono.

Pūrongo

Ko tā te Pāti Kākāriki, ka whakakore i te pōharatanga.

I whakatuwheratia e te kaiarahi takirua o te Pāti Kākariki e Marama Davidson he kaupapa whāngai aroha ki te punaha tautoko ā hapori i te rā nei. He kaupapa tēnei ka āhei ngā tini hapori o te motu te mahi tahi ki te whakakore i te pōharatanga ki Aotearoa nei. 
 

Pūrongo

E manahau ana ngā kaipāmu Māori i te tohe a te kāwanatanga kia whakaheke iho i te tuku mewaro

E manahau ana ngā kaipāmu Māori i te tohe a te kāwanatanga ki te whakaheke iho i te tuku mewaro, kia noho kore ai hei te tau rua mano, rima tekau. E whai ana tēnei i te kauhau a te Minita Take Āhua ā-Rangi, ki te hui Āhua ā-rangi i tū ki Te Taitokerau, ki Whangārei.

Pūrongo

Ko te hiahia a Te Rōpū Kākāriki kia taurite te tū o ngā tūru Māori

E karanga ana te Kaiārahi Takirua o Ngā Kākariki, a Marama Davidson kia whakakorea te ture e tukua ana mā te whakataunga pōti ā-iwi ngā tūru Māori anahe e whakatū ki ngā Kaunihera ā rohe. Hei te Haratua, e rima ngā rohe ka whakatū whakataunga pōti ā-iwi mō tēnei take, ā ko te matapae, ka whakakorea e taua whakaritenga, ngā whakatau a aua kaunihera ki te whakatū tūru Māori motuhake ake.

Pūrongo

Kei mōrearea kē te wai ki ētahi wāhanga o te awa o Whanganui hei te raumati

Kua puta te wero a ētahi kainoho ki Whanganui kia noho ū te kāwanatanga ki tā rātou kī taurangi kia whakapai i ngā awa o te motu. E whai ana tēnei i te whakatau a Te Kaunihera ā-rohe o Horizons, e paru ana ngā wai ki Pipiriki ā, kāore e āhei ana te kauhoe ki reira nā te nui o te paihana e-coli ki roto i te wai.

Whakaatu hua anō

Te Kāea i runga i Facebook

Twitter