TV show sub navigation

Meka Whaitiri

Labour Party

Ko Meka Whaitiri, nō Rongowhakaata, nō Ngāti Kahungunu hoki, te mema pāremata mō te rohe pōti o te Ikaroa Rāwhiti, ā, ka tū anō ia mā te Rōpū Reipa hei tēnei kōwhiringa pōti.

Ērā atu kaitono i: Ikaroa-Rāwhiti

Ētahi atu: Meka Whaitiri

Pūrongo

He whakanui, he whakahamara atu rānei?

E hiahia ana te mema pāremata o Nāhinara, a Paul Goldsmith kia whakanuia te tūtakitanga a te Māori me te Pākeha ki te hui Tuia Encounters 250. Ko tā te kaupapa nei he whakanui i te rua rau e rima tekau tau nō te taenga mai o Captain Cook me tana tira o te Endeavor. Heoi, hei tā te Minita Paihere Karauna Māori, he hui whakamaumahara kē, ehara i te hui whakanui.

Pūrongo

Ko ngā take whare ā-hapori te pūtake e tono ana a Tamihere hei koromatua mō Tāmaki Makaurau

Kei te hono ngātahi ngā minita o mua nō ngā rōpū āpitihana tōrangapū, a John Tamihere rāua ko Christine Fletcher hei tira hoa mō te tūranga koromatua o Tāmaki Makaurau.

I puta te whakatau a te tokorua rā, arā, ka noho te minita o mua o te Pāti Nāhinara a Fletcher, hei tuarua mō te minita o mua o te Rōpū Reira a Tamihere.

Pūrongo

E noho wāhi rua ana ngā whakaaro i tau tuatahi o te kāwanatanga tūhono

E tōtara wāhi rua ana ngā whakaaro o te marea i te tonga o Tāmaki Makaurau mō te whai hua a te Māori i te kāwanatanga tūhono hōu nei. He kotahi tau kua hipa i te aranga ake o Reipa me Aotearoa Tuatahi hei kāwanatanga tūhono.

Pūrongo

Ka taea e te Rōpū Reipa te huri ngā kaipōti o Te Onewa ki a rātou?

E rua noaiho ngā rā kei te toē ki te kōwhiringa pōti  ā-rohe o Te Onewa, ā, kei te kaha te Rōpū Reipa kia kanohi kitea ia ki waenga i ngā kaipōti. Ko te Pirimia, ko Jacinda Ardern i hīkoi i te taha o te kaitono Māori nei, o Shanan Halbert ki te tūtaki i ngā kaipōti. Ā, i puta hoki a Mānia Clarke ki te whakamātautau i te wairua o tēnei hapori kua roa kē nei e tautoko ana i a Nāhinara.

Whakaatu hua anō

Te Kāea i runga i Facebook

Twitter