TV show sub navigation

Marama Davidson

Green Party

Ka tū anō a Marama Davidson, nō Ngāti Porou, Te Rarawa me Ngāpuhi, hei kaitono mō te Rōpū Kākāriki i te rohe pōti o Tāmaki Makaurau.

Ko Peeni Henare o te Rōpū Reipa rāua ko Shane Taurima o te Pāti Māori ōna hoa whakataetae.

Ērā atu kaitono i: Tāmaki Makaurau

Ētahi atu: Marama Davidson

Pūrongo

Ka wātea mai ngā tauira ki te porotēhi

Inā te mano tini o ngā tauira huri noa i te ao ka whai wāhi atu ki te whakatu porotēhi, kia āhei rātou te whakatenatena i ngā kaitōrangapū ki te āta tiro atu ki ngā take āhuarangi. Hei te wiki e tu mai nei ka whai ngā tauira o Aotearoa i ēnei whakatauira. Ko te pātai ia mēnā e whakaae ana a Aotearoa whānui ki te whakawātea mai ngā tauira ki te whai i ēnei āhuatanga.
 

Pūrongo

Ka tae ā-tīnana atu te Minita o Whānau Ora Minister ki te marae o Ngā Whare Waatea

Ki te tonga o Tāmaki, kua tae ā-tinana atu te Minita o Whānau Ora a Peeni Henare ki te marae o Ngā Whare Waatea i te rā whakamutunga hei tuari pouaka kai, nā te tono a te Kaiwhakahaere o Whānau Ora ki Te Uepu Noho Taone o Manukau i tuku.

Kei te hiahia hoki te kaiwhakahaere, a Veronica Henare ki te akiaki i te kāwanatanga kia kaha ake te tautoko ki ngā whānau pōkaikaha i te wā kirihimete.

Pūrongo

Ko te kapa haka o Te Kāhui Huringa te kai whakaihuwaka hōu mō ngā kura tuatahi o Tāmaki

Ko te kapa haka o Te Kāhui Huringa mai i te kura tuatahi o Whinireihana te toa whakaihuwaka hōu o te whakataetae kapa haka ngā kura tuatahi, kura takawaenga hoki o Tāmaki Makaurau.

I eke Te Kura Māori o Ngā Tapuwae ki te taumata tuarua, ko Te Kura takawaenga o Henderson ki te tūnga tuatoru.

Pūrongo

E hiahia ana ngā pou hāpai i te hunga whaiora ki tētehi huarahi atawhai hōu

Kei te hiahia ngā pou hāpai i te hunga mate wairangi ki te whai i tētahi kaupapa hōu e kī ana "Open Dialogue" kia pai ake ai tā rātou āwhina i ngā whānau whaiora. Hei tā te Rōpū Tautoko i Ngā Whānau o Tāmaki Makaurau, koirā te huarahi whai kiko i Ahitereiria, hei manaaki i te katoa o te whānau.

Pūrongo

Ko tā te Pāti Kākāriki, ka whakakore i te pōharatanga.

I whakatuwheratia e te kaiarahi takirua o te Pāti Kākariki e Marama Davidson he kaupapa whāngai aroha ki te punaha tautoko ā hapori i te rā nei. He kaupapa tēnei ka āhei ngā tini hapori o te motu te mahi tahi ki te whakakore i te pōharatanga ki Aotearoa nei. 
 

Whakaatu hua anō

Te Kāea i runga i Facebook

Twitter