Tūtohu Tainui. Ngā hua 1 - 10 o te 157 mō

Ngā hua 1 - 10 o 157

Ngā hua kimi

  1. Video for He kaupapa whakaora paepae
    Pūrongo

    He kaupapa whakaora paepae

    Ko Waikato - Tainui tērā e urungi ana i tō rātou ake waka reo. Kua rewa te wāhanga tuawhitu o tā rātou rautaki reo Māori, ko Te Pae Kākā te ingoa. Ko te haepapa ki a rātou ko te whāngai i ngā puna kōrero ki ngā marae hurinoa i te rohe.

  2. Video for He kōiwi tāngata kua hua i te ara matua o Waikato
    Pūrongo

    He kōiwi tāngata kua hua i te ara matua o Waikato

    E whakaponotia ana kei te takiwā o te rua rau ki te whā rau te tawhito o ngā kōiwi o tētahi whānau kua kitea i ngā oneone o te ara matua o Waikato kei te whakawhanakehia i tēnei wā.   

  3. Video for Ka tautoko te iwi o Waikato i a KidsCan ki te āwhina i ngā tamariki i te kura
    Pūrongo

    Ka tautoko te iwi o Waikato i a KidsCan ki te āwhina i ngā tamariki i te kura

    He mea tuatahi, ka takoha te iwi o Waikato-Tainui i te kotahi rau mano tāra ki a KidsCan hei taunaki i ā rātou mahi whāngai me te tohatoha rawa hauora ki ngā tamariki i ngā kura e rua tekau mā toru i Waikato, i te tonga o Tāmaki Makaurau anō hoki. Hei tā te heamana o Te Ara Taura, hei tā Rukumoana Schaafhausen e hāngai ana te mahi ngātahi ki ā rātou whāinga ki te āwhina i ā rātou mema e whitu tekau mā rua mano.

  4. Video for Ka whakahōnore ngā kaitiaki o Te Kiingitanga i tētehi Mokopapa
    Pūrongo

    Ka whakahōnore ngā kaitiaki o Te Kiingitanga i tētehi Mokopapa

    Ki te riu o Waikato, ki Ngāruawāhia, kua whakatōpū te tini ngerongero ki te taurima e rua rā o K160, kia whakarewa ai i ngā whakatairanga o te tau, mō te orokohanga o Te Kiingitanga i ngā tau kotahi rau e ono tekau ki muri. Mō ngētehi he whai i tētahi huarahi hou, kia titia te kaupapa mana nui nei ki te kiri mō ake tonu atu.

  5. Video for Ko Te Pou o Mangatāwhiri te toa o te whakataetae haka o Tainui
    Pūrongo

    Ko Te Pou o Mangatāwhiri te toa o te whakataetae haka o Tainui

    Mo te wā tuatahi, kua tohua ngā toa o te whakataetae kapa haka ā rohe o Tanui Waka i tū ki Kirikiriroa, arā, ko Te Pou o Mangatāwhiri. Tokorima ngā tīma ka whai wāhi atu ki te whakataetae Te Matatini

  6. Video for He rau ngā kaumātua o Taniwharau i eke ki te papa ngahau
    Pūrongo

    He rau ngā kaumātua o Taniwharau i eke ki te papa ngahau

    Haruru ana te whare i te takimano kua whakakao atu ki te mātaki i ngā toa haka o Tainui e pakanga ana ki te papa tūwaewae. 

  7. Pūrongo

    E kaha haere ana ngā whakahē ki te whakapau i te kotahi pīriona tāra mō te whare mauherehere ki Waikato

    Kei te kaha haere ngā whakahē ki te kāwanatanga me āna whāinga ki te whakahōu, ki te whakawhānui hoki i te whare herehere o Waikeria, he kotahi pīriona tāra te wāriu. He kotahi mano e toru rau ngā karere kua tukuna ki te Minita Take Ture, ki a Andrew Little me Te Minita Ara Poutama Aotearoa a Kelvin Davis hei tohe i te kaupapa. Ā, kei te tū hoki ngā pihi o Te Kiingitanga me tāna kī ake, he pai ake te whakapau i ngā pūtea ki ngā hōtaka whakaora, whakahono anō hoki i ngā mauhere.

  8. Pūrongo

    E ngana ana te Kiingi Māori kia mahi ngātahi me te kāwana

    Kei te houhia te rongo ki waenga i te Kīngitanga me te Rōpu Reipa. Nō te rā nei, ka pōhiritia a Jacinda Ardern ki te marae o Tūrangawaewae i Ngāruawāhia mō te wā tuatahi hei Pirimia. He whakaheke i te rahi o ngā mauhere Māori me te kimi rongoa mō te noho rawakore ētahi o ngā kaupapa kōrero ki waenga i a rāua ko Kīngi Tūheitia Pōtatau Te Werowhero te tuawhitu. 

  9. Video for Kua eke ngā waka tauā o Waikato a Tumanko rāua ko Te Rangatahi ki ngōna tau e waru tekau
    Pūrongo

    Kua eke ngā waka tauā o Waikato a Tumanko rāua ko Te Rangatahi ki ngōna tau e waru tekau

    Kua eke ngā waka tauā o Waikato, arā, ko Tumanako rāua ko Te Rangatahi ka kitea ia tau i te Rīkata i Ngāruawāhia, ki ngōna tau e waru tekau. I te kāhui o ngā waka tauā e ono rāua, e whakangahau ana i a Kiingi Tuheitia me te marea i whakatōpū atu i te taha o te awa o Waikato, i te marae o Tūrangawaewae.

  10. Video for He rata te Hoe Waka Tāngata i te Hui Taurima o te awa o Waikato
    Pūrongo

    He rata te Hoe Waka Tāngata i te Hui Taurima o te awa o Waikato

    Kua hoe te iwi tūmatanui i te awa tūpuna o Waikato i Kirikiriroa mā runga waka tāngata me te rongo i ngā kōrero tuku iho. He mea uaua tēnei haerenga te whāwhā e te iwi whānui, heoi, kua whai wāhi i raro i te karanga o te hui taurima o te awa o Waikato. 

  11. Whakaatu hua anō

Pages