Te Whakataunga mo Ngāti Whātua o Kaipara

Ko ngā uri o Ngāti Whātua o Kaipara i tere atu ki Pōneke, kia kitea ai te pānuitanga whakamutunga o tā rātou pire whakataunga kerēme tiriti.

Kua rua tekau mā tahi tau te kaupapa nei e kawea ana, ā, ahakoa kua tae ki tēnei tutukihanga nui, hei tā te Minita Take Tiriti, e kore ra te whakataunga nei, e whakaea mārika i te raupatutanga o ngā whenua o Ngāti Whātua o Kaipara i mahue whenua kore nei i ngā tau whā tekau o te rautau kua hori.