Kaupapa: BUDGET

Te Tahua Pūtea 2013

Engari ko te hauora te tino toa i te rā nei, kua whakapikihia tana tahua ki te kotahi ira ono piriona tāra hei ngā tau e whā e haere ake nei. Engari, mēnā e noho ana tō whānau ki tētahi whare kaporeihana, kia mataara. E hia mano tāngata ka panaia ngā whare a te Kāwanatanga a ngā tau e tū mai nei. Ākuanei, ka wetewetehia ngā take o te tahua e whai pānga ana ki te Māori.

Tua atu i te kotahi ira ono piriona mā te rāngai hauora, he kotahi rau miriona tāra anō ka haere ki te whakamahana whare hei roto i ngā tau e toru. He tata ki te kotahi rau, iwa tekau miriona ka whakawāteahia ki te rāngai toko i te ora, ā, ka whakarahingia ake ana kai-mahi. Ko ngā mahi patu i te rūmätiki, te mate pukupuku repe tātea, te mate huka me te mate manawa ka whiwhi āwhina. E whitu tekau miriona ka haere ki ngā mahi tiaki i te hunga kaumātua.

Kāti, kia kanohi homiromirotia atu te titiro i tēnei wā ki ērā i toa me ērā kaore i toa i raro i te Tahua Pūtea. Anei te pūrongo a tā mātou karere take tōrangapü, a Maiki Sherman.