Kaupapa: Health

Te Pire Whāngai i Ngā Tamariki

I puta te wero ki a Tau Henare i te taupatupatu tōrangapū i runga o te hōtaka o Native Affairs inapō e pā ana ki tana tukunga pōti i runga i te pire motuhake a te kaiārahi o Mana a Hone Harawira mō te whāngai i ngā tamariki ki rō kura ine rawakore taumata tahi, taumata rua hoki.  Nā, ūpoko māro ana a Henare i a ia e uiuitia ana, heoi, mārakerake te kitea e kore tēnei take mō te mahea noa.

Ko tāna ki tā mātou kaikawe kōrero a Maiki Sherman, e kore ia mō te tautoko i te pire, nō reira taihoa pea he paku tūwheratanga kei te matapihi me kii, e tautoko ai ia.