Ngā kaupapa: BUDGET, Elections

Tahua Pūtea 2014 - Tata ki te rima rau miriona kua whakaritea hei whakapakari i ngā kaupapa manaaki whānau

Te Kāea

Kua whakaputaina e te Minita Take Pūtea a Bill English i ngā wāhanga o te tahua pūtea i tēnei tau, ko tāna he tata ki te rima rau miriona te pūtea ka haere ki ngā kaupapa taunaki i ngā whānau o te motu. 

Ko tā English,  "e whakapono ana au ka whai hua ngā whānau i te pikinga o te ōhanga o Aotearoa, kua piki ake te nuinga o ngā tūranga mahi, kua piki ake ano hoki ngā utu mahi, e tika ana kia whai hua kotahi ai rātou i te putanga pai o ngā moni a te kāwanatanga i tēnei tau. 

Ki roto i tēnei kaupapa ka whakaroa rawa te wā ka tāea e ngā mātua kātahi ano ka whakawhānau pepi te noho ki te kainga ki te taha o a rātou tamariki, Tapiri atu ka taea e ngā tamariki tae noa ki te tekau ma toru tau te pakeke te hāere ki te rata, te whiwhi rongoa hoki mo te kore utu. 

Toru tekau ma toru miriona tāra te pūtea ka hāere ki te whakatinana i ētahi tira hōu, e waru te rahi e āta wetewete, e āta rangahau ana i te hunga e mahi ana ki te taha o te hunga tamariki. He pūtea ano ka hāere ki te tautoko i ngā tamariki kei raro i te maru tiaki o te kāwanatanga. 

Ko tā te Pāti Māori e kaha rata atu ana rātou ki ngā hua kua puta i te Tahua Pūtea i tēnei tau, ko tā rātou na te mea ko ngā whānau ēra kei te whai hua.