Ngā kaupapa: Politics, Te Reo Māori

Review of Māori media sector raises concerns for Te Mātāwai

Talisa Kupenga

Tērā te āwangawanga o Te Mātāwai mō te arotake a te Kāwanatanga i te rāngai pāpāho Māori, ina kāore rātou i whai wāhi ki te tuku whakaaro. He arotake i karangahia e Te Minita Whanaketanga Māori i tēnei wiki kia tirohia te aronga o Whakaata Māori ko Te Māngai Pāho me Te Whakaruruhau ki te ao hangarau.

Ko te āhua nei kei te arotake te karauna i a rātou ano mō te ara whakamua o te rāngai ao pāpāho Māori.

Ko Tā te Tāhūhū o te Mātāwai a Te Atarangi Whiu "I tae tureiti ngā korero ki a mātou, kua oma kē te hoiho. He aha kē o mātou whakaaro ki ēra "terms of reference" kua tūreiti ke mātou o te Matawai ki te uru atu o mātou whakaaro."

Ka pā tēnei arotake ki ngā kawenga a Te Mātāwai ki te ārahi tahi me te arataki i a Whakaata Māori.

Ko tā Whiu "Me noho ngātahi a Ngai Māori ki te Karauna. Kaua mā te Karauna te tohutohu i a mātou io Te Mātāwai.

E ai ki te Minita Whanaketanga Māori a Nanaia Mahuta “Ka whai wāhi rātou ki te whakapuaki o rātou whakaaro, heoi ko te mea nunui māku kia arotake kia mōhio matua te kāwanatanga me pēwhea.

Heoi hei tā te Minita kei te whakatika kē ia i tōna whare i te tuatahi.

Ko tā Mahuta "I wananga mātou, kua mōhio pai rātou koina tētahi o ngā wāhanga kia arotake engari ko te kaupapa matua te whakarauora mai to tātou reo me pēwhea tātou hei whakakotahi hei mahi tahi."

Ko tā Whiu "Kaore e kore ka āta whakaarohia e ia me whakatakoto ētahi kōrero ki te ao pāpāho, ki te rāngai reo, me tukuna mai ngā whakaaro ki a mātou o Te Mātāwai i te tuatahi."

Ka pā tēnei arotake ki te aromatawai o Te Ture mo Te Reo Māori ko te tikanga ka timata a tēra tau.