Kaupapa: Elections

Ngā hua i muri tata iho o te Kōwhiri mō ngā rōpū iti

Election Aotearoa

I muri tata iho o Kōwhiri 2017, kua panaia te Pāti Māori ki waho atu i te whare, otirā anō a United Future, e piri tonu ana ki te whatitoka ko te Rōpū Kākāriki, heoi hei te pae e tutetute ana ko te kaitohu kīngi ko Aotearoa Tuatahi.  

Ko te kōrero i whiua ki te Pāti Māori kāre he take o te noho ki te tēpu ēngari kāre hoki he take mēna kāre koe i te tēpu.

Kei rō pāremata tonu a David Seymour o Ngāpuhi, ahakoa kāre ōna hoa.

Kei waho a United Future, ahakoa te hanga o Damian Light kāre i whai hua.

Ko te moemoeā a ngā Kākāriki ka noho ko rātou ngā rangatira o te taha maui ēngari waimarie rātou kua hoki ki rō pāremata.

Ko Winiston Peters te ariki, tērā pea ka tohe ia ki te whakamahi i tana pōti ā-iwi ki te whakakore ai i ngā tūru Māori nō reira ka tū rānei te ihu o Bill English ki te torona o te Karauna i tana kore e tautoko i te pōti ā-iwi a Winitana?  E hē.