Native affairs - Naida Glavish

Whai muri mai i ētahi tautohenga nui ki waenganui i te Pāti Māori, kua whakaritea kia tū te mema Māori mo te Waiariki a Te Ururoa Flavell ki te whakakī i te tūranga kaiārahi takirua o taua rōpu. 

I whakawāteahia e Pita Sharples tōna tūranga i te timatanga o tēnei marama na runga i te whakapae ko ngā tautohe i wāenga i te rōpu te take i puta tuatoru tā rātou kaiwhakataetae a Nā Raihania i te kōwhringa pōti motuhake mo te Ikaroa-Rāwhiti. Hei tāpiri ki `tera ahuatanga kua puta a Pem Bird i te tūranga Perehītini o te Pāti ā kua tū mai a Naida Glavish.  

Kua puta a Bird nā tōna hiahia ki te whai i ngā take ā iwi, a kāre he tangata i tū ki te whakataetae atu ki a Flavell mo te tūranga kaiārahi takirua. 

Ahakoa i whai hoki a George Ngatai, he mema o mua o te rōpu Nahinara he mema o te hāhi Oranga Ake hoki i te tūranga Perehītini i puta kaha mai a Glavish, inā ko ia te wahine tuatahi kua pupuri i te tūranga Perehītini o te Pāti Māori.