Kaupapa: Politics

Me noho ngā mema Māori o Reipa ki waho o te rārangi

Heta Gardiner

Kei te hoki a Kelvin Davis ki runga i te rārangi o te Rōpū Reipa. Ēngari kāore ōna hoa, mō te tono ki te whai atu.

E ai ki ngā ture o te pāti, me uru a Kelvin Davis ki te rārāngi ki te tūranga tuarua. Ahakoa te hokinga o Davis ki te rārangi, e ai ki a Meka Whaitiri, he painga kua toko ake i te rautaki nei.

Ēngari ko taua hunga hoki ka whara i te hokinga o Kelvin Davis ki te rārāngi. I tēnei wā, ko Willow-Jean Prime kei te tihi o ngā Māori ki runga i te rārāngi, ki te tūranga 16. Ko Kiri Allen rāua ko Willie Jackson hoki kei te 21 o runga.

Ēngari ki te hoki a Davis ki te rārāngi, ka heke a Willow-Jean Prime me ērā atu Māori he kotahi tūranga.

Ka hui tahi a Kelvin Davis me te kaiārahi hōu o te pāti a Jacinda Ardern, ki te wherawhera i ēnei kaupapa, i ngā rā tata nei.