Ngā kaupapa: Elections, Politics

Me arotake ko ngā tūru Māori te āki a tētahi mema pāremata Māori ō-mua

Dean Nathan

Me titiro motuhake te iwi ki ngā tūru Māori o te whare paremata. Koinei te karanga a te Minita Take Māori ō-mua a Dover Samuels ahakoa te hokinga o te nuinga o aua tūru ki te rōpu Reipa i te kowhiringa pōti kua taha ake nei. Ka mutu, he karanga tēnei kahore e tau tika ana ki ngā rōpu tōrangapū Māori.

E kī ana te pati Māori, ko nga painga katoa kua whakawhiwhia ma te nohotahi ki te tepu o te kawana kei te whakatauira mai i te whakahirahira o te reo Māori motuhake ki te paremata.

Hei tā Naida Glavish, “Kia kaua tatou e wareware enei turu o te rā nei i tukuna mai e o tatou tupuna hei turu mō tatou kia whai korero ai tatou i roto ite Ngai Māoritanga ki roto paremata.  Kei a tatou o te rā nei te tino tino kaitiakitanga ake o ena tuuru mo tatou ngā whakatupuranga kei muri ia tatou.”

Ahakoa te hokinga o te nuinga o ngā turu Māori kia Reipa hei ta Dover Samuels e tika ana kia arotakengia ano aua turu e te iwi. 

Hei tā Dover Samuels states, “E totoro mai ana ngā ringaringa o Hone Key kit e awhi ite rōpū Māori n ate mea e hiahia ana ia kia tu kaha atu te rōpū Nahinara I roto ite whare paremata.  Ki au nei kua tae kē te wā ma tatou ano e whakawhitiwhiti kōrero mo a tatou turu.”

E mea ana te pāti Māori, nana tonu i takahuri ai te kaupapa o Nahinara mai i te whakakorehanga o ngā turu Mari kia puriti tonutia ma te Māori tonu e kōrero.  Kamutu, ina kahore mō te hokinga o ngā turu Māori kia Reipa i te kowhiringa pōti kua taha ake nei ko te hanga nei kua nui rawa ona raruraru.

Hei tā Naida Glavish, “Kia kaha tatou ki te whakaaro, mena ko te tu tatou i runga i era turu ko te tu tatou hei kaikorero tuturu mō ngai Māori.  Ehara mo a tatou paati kaupapa o tena o tena engari kia tu tuturu ai tatou te anga mua ake i ngā hiahia me ngā wawata a ngāi Māori.”

Heoi ano, e taria tonu ana kia ngatahi ai ngā mahi a ngai Māori o te paremata hei painga mō te iwi.