Māori Party keen to fast track sugar tax

E kaha taunaki ana te Pāti Māori i te petihana e whakahau ana me tāke nga inu waireka. Kei te whitu mano neke atu te maha o ngā waitohu ki te petihana kei change ira kati org. E ai ki a Marama Fox, kei ngā inu waireka te nuinga o ngā huka e kaingia ana e te tangata, nā reira he tāke huka e whakaarotia ana hei pire motuhake ā-mema.

Mā te petihana ā-ipurangi nei pea ki Change.org ka tuku te Pāti Māori he pire mema tūmataiti ki te whare pāremata, ko te whāinga kia tū he tāke huka.

Hei tā Fox ki a Te Kāea, “Ae koira hoki tetahi o a matou hiahia engari ānō ka taea pea matou te haere tōtika ki te mihita hei akiaki tēnei kaupapa kei mua i a ia.”

Nā te pukapuka a Healthy Food Guide te petihana nei. Kua tū ki te ipurangi i roto i ngā marama tata.

E ai ki te māngai o te petihana ki a Niki Bezzant e whitu mano neke atu te nui o āna kaitaunaki.

“I'd like to see the price of these drinks reflect a little bit the harm that they do so if we can nudge people in the direction of making a better choice not choosing a sugary or choosing them less often or just choosing water.

I te tau rua mano mā wha nā te Kaiārahi Takirua o Mua o te Pāti Māori nā Tariana Turia te pire mō ngā pākete tohu kore i kōkiri. Kua whakaturehia taua pire i tēnei tau.

Ināianei hei tā Marama Fox ka tautoko rātou i te tāke inu waireka.

“I whakanuia te utu mo te pakete o te hikareti engari e roaroa ngā kōrero e haere ana ki waenganui i a matou me te kawanatanga i mua i te tēnā inaianei kei te whai haere i tēnei huarahi.”

E ai ki ngā tatauranga a Te Manatū Hauora, o ngā tamariki tokoiwa kotahi o rātou ka pāngaia e te mate momona. Ko te nuinga o ngā huka ka kaingia ka ahu mai i te waireka.

Ko te tūmanako a Bezzant ka rua tekau mano waitohu ki te petihana, a ngā marama tata e haere ake nei.