Kaupapa: Waitangi

Māori academic criticises prison policy at urgent hearing

E mea ana a Tākuta Rawiri Waretini-Karena he kaikiri ngā kaupapa here a te Kāwanatanga, ā, koia kē tētahi wāhanga nui i tokomaha ai te hunga Māori i rō whare herehere.

I puta ake ngā taunakitanga a te tohunga mātauranga nei ki te whakawākanga a te Rōpū Whakamana i te Tiriti o Waitangi mō te korenga o te Karauna e whakaheke i te nui o ngā māori e noho herehere ana.

Tekau ma tahi nga tau a Dr Rawiri Waretini-Karena ki ro whare herehere. E ai ki a ia, ko nga kaupapa here a te kāwanatanga tetahi take i pērā tana ahua taihara.

Kua tau a Waretini-Karena inaianei, ā i whakatakoto taunakitanga a ia mo Tom Hemopo me tana kī kua hē te kāwanatanga kia whakahekea te hunga Māori ki ro whare herehere

Toru tekau nga tau a Hemopo e mahi ana mo te Ara Poutama o Aotearoa, ā e whai rongoa a ia mo te Maori.

E ai ki a Hemopo, “Ko nga wahine koira te mea mamae ki au, ko nga wahine he ono tekau ma ono paiheneti kei roto i nga whare herehere. Ko wai kei te tiaki i nga pepi i nga tamariki ka hoki atu tera raruraru ki nga koroua kuia.”

E mohio ana Waretini-karena ki ngā tikanga o ngā whare herehere heoi e hiahia ana ia kia huri te tai mo ngā uri whakatipu.

Hei tā Waretini-karena, “I moved away from the marae, and the marae was the foundation for all tikanga maori so our marae became the Chartwell pub so our values weren't taught to us, it was a Once were Warriors life.”

Kua tata eke te hunga Maori ki ro whare herehere ki te rima mano, heoi ka eke tonu taua nama ki te kore tetahi rongoa e kitea.