Kaupapa: Politics

Mana ki te Pāti Māori, he hoa, hoariri rānei?

Ki tā te kaiārahi takirua o te Pāti Māori, tā Te Ururoa Flavell, “Kua puta ke te korero, te whakatau a ngā kaiārahi o te Pāti Māori me mana e kore te Pāti Māori me Mana e hono kia kotahi nei na runga i te kōrero kāti e kore te Rōpū Mana e mahi tahi me Nāhinara.”

Āe marika nā taua taupatupatu anō rā i tōtara wāhirua ai te Pāti Māori me Hone Harawira.

Hei tā Flavell anō, “I puta ia i te kuaha o te Pāti Māori i hangaia tōna ake whare ko te hanga o tērā whare āhua rerekē ki te Pāti Māori ka mutu koina te āhua o te noho.

Kei a ia tōna ake whare me tōna āhua ko ētahi wāhanga Pākehā tonu te kaupapa ko te Pāti Māori kua roa e pērā anō tōna noho ko te Pāti Māori i hangaia i roto i te kaupapa Pāti Māori kāore i kō atu kāore i ko mai engari i puta ia i taua whare.”

E ai ki a Flavell, marakerake te kitea o ngā painga o tā rātou hononga me Nāhinara, ahakoa pea te huri tuara a ētahi kaitautoko nā runga i tēnā.

E wātea ana te Pāti Māori ki te hono tahi hei whakatū kāwanatanga whai muri i te kōwhiringa pōti a tērā tau, ahakoa ko wai.

Nō reira kua tau pū te take mō te noho tahi a te Pāti Māori me Mana, arā, ehara i te hoariri, engari ehara hoki i te hoa piripono.