Kaupapa: Politics

Mā ngā rōpū Kahurangi Blue a Nāhinara e kapo ake i ngā pōti

Talisa Kupenga

Ko tā Nuk Korako Māngai Take Māori o Nāhinara, ki te iwi Māori kia whakawhānui ōna rōpū Kahurangi ki nga koko o te motu kia kapo i o rātou pōti. Engari ko tā Kiritapu Allan o Reipa he uaua ma Nāhinara ki te whakatutuki i taua whāinga.

E tuwhera te tatau o Nāhinara ki ngā kaipōti Māori e tō rātou rōpū Kahurangi.

Ko tā Nuk Korako Māngai Take Māori o Nāhinara, ko te mahi a te rōpū Kahurangi Blue ko te toro atu ki ngā tāngata Māori.

Ka tū ngā rōpū ki ngā rohe taiwhenua. I tēnei wa e tū ana te rōpū tuatahi, taratahi anō hoki i tīmata e toru tau ki muri ki tā Korako ake rohe ki Waitaha ki te Whenua Uru.

Engari he aha te hua mō ngā mema? Ko tā Korako, ko te puta ki ngā rohe o te Tai Tokerau kei te pae tata.

He hoihoi hoki ki te koko o Nāhinara ki te pakanga ki ngā tūru Māori.

Ko tā Jami-Lee Ross o Nāhinara, he nui ngā āhuatanga pai tō te iwi Māori, heoi ehara i te mea me whai tūru Māori.

Ko tā Willie Jackson, Minita Whanaketanga Māori Takirua o Reipa he moumou wā noa iho. "Kei te mōhio mātou tā rātou whakaaro i ngā wā o mua. Kāore rātou i tautoko te kaupapa e pā ana ki ngā tūru Māori."

Engari kāore anō kia ea. Ko tā Simon Bridges i tēnei wiki I te korenga o tēnei kaupapa ki te hui kāhui o Nāhinara.

Ko tā Korako he tino taumata te kite i te tekau ma toru ōrau o ngā mema Māori ki Nāhinara.

Ko tā Kiritapu Allan o Reipa, ka raru pea a Nāhinara ki te whai pōti Māori mā tēnei huarahi.

Kāore i tino puta te whakapai i a Korako āhea ka tū ngā rōpū Kahurangi katoa, engari kei a ia tōna ake wā aukatinga.