Legal proceedings challenge Ngati Rehua mandate

Dean Nathan

E pātata ana a Ngāti Rehua ki te tepu whiriwhiri o te Karauna, engari nōnatata nei ka taka he tono hou ki te aroaro o te Rōpū Whakamana i te Tiriti o Waitangi kia tirohia ohoreretia te mana whakatatū kua tukua e te Karauna. 

He hui hei whakahou i ngā kōrero ki ngā uri whai pānga o Ngāti Rehua e takatū ana kia eke ki te tepu whiriwhiri a te Karauna.

Neke atu i te ono tau ki muri i whakaae te Karauna ki te mana hei whakatatū i ngā kerēme tiriti o Ngāti Rehua ki te motu o Aotea, i runga anō i tana hiahia kia tatū ai te katoa o te rohe o Tāmaki Makaurau. Nō ngā rā tata nei te tono hei taki i taua mana.

E ai ki te heamana ō te poari o Ngati Wai, a Haydn Edmonds, “Whether that was right or wrong back then, there was a change of Government and a new policy…and so we're still being driven by the Crown, and we're still struggling to get a footing with this Crown to go forward.  As a consequence of that, our people are still finding there are questions to be answered.

Kīhai a Te Kaea i ahei ki te kuhu ki tēnei hui, kīhai hoki te heamana kaiwhiri matua mō Ngāti Rehua i hiahia ki te tuku kōrero mai.  Heoi anō, ki ngā whakamārama he hui i tutū ai te puehu engari ka hoki mārama atu te nuinga o ngā uri i runga i te whakaae i whai hua ngā kōrero.

Hei tā Edmonds, “The crown does have a lot to answer for when some of the things that are coming out now have simply been not right in terms of process and that they need to answer those beenficiaries and those individuals and claimants who are making these allegations.