Ngā kaupapa: Education, Politics

Kua whakahētia te tono a te Kāwanatanga e ngā kura kaupapa Māori

I te tau 2010, nā te Tāhuhu o te Mātauranga tētahi marautanga hōu i whakataki mā ngā kura Māori, ko 'Ngā Whanaketanga' te ingoa.

I te hui ā-tau a Te Rūnanganui o Ngā Kura Kaupapa Māori inatata nei, puta ai te whakahē me te whakatau e kore, kore rawa rātou mō te whai i te marautanga hōu.  

E tū māro ana ngā kura kaupapa Māori - me te tuku karere ki te Kāwanatanga kia kaua āna tauira e whakatauritea ki ngā tauira kura auraki.

I roto i tā rātou tono, te inoi nui kia kaua ngā kura kaupapa Aho Matua e herea ki ngā tūtohinga, arā ko Ngā Whanaketanga Reo Rūmaki.

I ngā kura e anga whakamua ana ki te whakatutuki i ngā tūtohinga o Te Aho Matua.  Iwa mano ngā tauira e akoako ana mā te huarahi o te reo Māori, whitu mano o aua tauira kei ngā whakamarumaru o ngā tūtohinga o Te Aho Matua.

Kua toru tau Te Rūnanga Nui o Ngā Kura Kaupapa Māori e whakariterite ana i tōna marautanga Aho Matua.  Na, ko te inoi kia tatari te Kāwanatanga, kia mutu rā anō ā rātou mahi.

Kairīpoata; Heeni Brown.