Kaupapa: Politics

Kua whakahētia e Turia te whakapae ka noho tonu ia ki te Whare Paremata

E rere ana ngā tao kupu i te Whare Pāremata, ao ake i te rongo kōrero ka kore pea a Tariana Turia e heke i tana tūranga hei mema pāremata, hei te kowhiringa pōti ā tērā tau.

E ai ki a Shane Jones, nā John Key te tono kia noho atu te kai-ārahi-takirua o Te Pāti Māori, heoi, e ai ki te mema pāremata o Te Tai Hauäuru, he kōrero whakararu noa ēnā nā te mema o te Rōpu Reipa.

Ko tā Maiki Sherman te kaikawe kōrero tōrangapū a Te Kāea, E ai ki a Tariana Turia ehara i te korero tika engari he korero teka kē. I te paunga o tera tau whakapuakitia e Tariana Turia ka wehe ia i te Whare Paremata hei te kowhiringa pōti a motu a tera tau, ā, hei tana i te rangi nei karekau tena korero e rerekee ana. Apiti atu ko tāna ki a Maiki Sherman, tokowaru ngā mema o tōna rohe pōti kei te āta tirohia i tenei wā e te Pāti hei kaitono ma ratou ki Te Tai Hauāuru.