Kaupapa: Elections

Kua tīmata ngā pōti tōmua mō te Rā Pōti e tū mai nei

Dean Nathan

I tīmata ngā pōti tōmua i te rangi nei, ā, kua kotahi te puta o ngā tāngata maha huri noa i te motu i runga i te karanga nei, ki te tuku wawe i tā rātou pōti mō te kōwhiringa e tū mai nei. 

Ko te pōti tōmua te whakahoki a ngā rangatahi o Whangarei ki ngā matapae, e kore rawa tō rātou reanga e tuku pōti.

Hei tā Pereri Tito,“E mataku ana i a ka huri te tai, ka huri te tai e mataku ana ia ka puta ōna kōrero.”

Whai muri i tana tautohe tuarua me te Pirimia inapō ko te kaiārahi o Reipa a David Cunliffe tētahi e kore e taihoa mo te rā kōwhiringa pōti.

Kei te takiwā o te toru rau ngā whare pōti puta noa i Aotearoa ka tūwhera ngā tatau i te rā nei. 

Engari ahakoa kua tīmata ngā pōti tōmua hei ngā whakamārama neke atu i te toru rau mano tāngata kahore anō kia rēhita noa ki te pōti.

E ai ki a Pereri Tiro, me tuku pōti tātou katoa, arā, ki te kore, me noho wahangū.

Kāhore i kō atu, kāhore hoki i kō mai.