Kua tata oti te whakataetae mo te tūranga kaiārahi o Reipa

Kātahi te wiki roa mo te tokotoru kaitono i te tūranga kaiārahi o te paati Reipa. 

Kua whakahaerehia te hui mo ngā mema o te paati, me ratau mā ngā mema o ngā uniana, ki Te Whanganui  a Tara. 

I reira puta ai ngā kupu whakamutunga a ia kaitono, e whakawai ai i te minenga.

Ko Grant Robertson te makau ki te hunga rima rau i tae atu, kaati he wā tona pea ka ara ake te tangata o te Noota ki te kōtihitihi, a Shane Jones.

Ehara rātou i te tokotoru tapu o Nazareth, engari ko ratou ngā whetu nui i roto i te moana whero o ngā kaitautoko reipa i Te Whanganui a Tara.

Kei a Ripeka Timutimu nga whakamahuki.