Kua raru ngā hiahia a te Kāwanatanga mo te Ture Rawa Taiao

He tairo a Kupe kua toko ake ki te ara e takahia nei e te Kāwanatanga hei whakarerekee i te Ture Rawa Taiao.

No te rangi tonu nei puta ai i te Paati Maori me te tira United Future te korero, ka kore rāua e tautoko i te mahere a te Minita a Amy Adams. Ko te kaupapa o te ture rawa taiao he whakatakoto tikanga raahi i ngā mahi hanganga me ēra tuāhua i roto tonu i te whakaaro ki te tiaki i te taiao.

E ai ki tā mātou karere tōrangapu a Maiki Sherman, ’e whakaae ana te Paati Māori rātou ko Peter Dunne o United Future me whakarerekē ētahi wāhanga o taua ture engari hei tā rātou he nui tonu ngā wāhanga e wero ana i ngā mātāpono o taua ture i raro i ngā whakarerekeetanga a te minita, nā whai ano tā rātou whakahee.