Ngā kaupapa: Elections, Prison

Kua puta te kaupapa a Nāhinara kia whai mahi te hunga mauhere

Heeni Brown
National reveals policy for inmates

Tērā te whakahīhi a Nāhinara ki te whakatau o roto i te toru tekau mā rima tau, ko tēnei te tau i kitea ai te hekenga nui o ngā tatauranga takahi ture.  Engari koirā tonu te hiahia kia hekea anō ai ngā nama me te whakaputa i tana kaupapa kia anga ngā whare herehere tūmatawhānui, kia whai mahi te katoa te hunga e mauheretia ana.

Ko te whakahaumaru i te mau here ki ngā kaupapa maimoa i ngā raru waipiro, i ngā raru whakapōauau hoki.  Rawa atu, ko te whakatū kaupapa whakapakari pūkenga kia whai mahi hoki ai rātou.

Koinei ngā kaupapa matua kua meatia e Nāhinara hei aronganui e ora mārika ai ngā mauhere.

I te wā nei, e toru ngā whare herehere e whakahaerehia ana, ā, he rautaki mahi tā ngā mauhere e whakamahia ai te mauhere e whā tekau haora ia wiki, me te hiahia hei te tau rua mano tekau mā whitu ka pērā hoki te katoa o ngā whare herehere tekau mā ono.

Atu i ngā whakatau hou a Nāhinara, ko ētahi kōrero mō te noho ngātahitanga o Te Pāti Māori ki a Nāhinara.

Engari horekau a Sharples i te hoki ki Pāremata, nā reira mā wai rā e whakakī tōnā tūru minita?

Te hanga nei e puare marika ana te kuaha o Nāhinara ki te Pāti Māori, engari taihoa ake me tatari ki ngā whakatau a te Kōwhiringa nui.