Kua puta te karanga āwhina a Hone Harawira mā ngā tamariki e noho hia kai ana

E wero ana a Hone Harawira i te kāwanatanga mō te rahinga ake o ngā tatauranga mō ngā tamariki e mate kai ana i ngā kura puta noa i te motu.

Ko te kī ā Harawira, e ai ki ngā nama i puta i te tari tahua, e rua rau, e waru tekau mā rima mano ngā tamariki e noho tonu ana i te rawakore. 

He hāerenga rangatira te hikoi ki runga i te kāpete whero ma te hunga rangatahi e kaha āwhina ana i a rātou hoa, a kua whai waahi ratou te noho hei Kingi mo te ra.

Ko aua rangatahi he kaiāwhina i te kaupapa "Parakuihi i te Kura" ki te Kāreti o Naenae.  E ai ki etahi o ngā tauira he raru nui te mate hia kai ki wāenganui i a rātou hoa.

A i te ana o ngā raiona a Hone Harawira e wero ana i a Bill English kia whāngai i ngā tamariki pohara, heoi, mārama te kite atu kua ū te kāwanatanga ki tōna tū.

E ai ki ngā tauira, mā te whāngai i te puku, ka whāngai ano ko te hinengaro.

Kāre tonu a Hone Harawira e mōhio a hea ka pānuitia tana pire 'Whāngai Tamariki', engari kotahi noa iho te hiahia tā ngā tauira. Kia whai mana taua kaupapa.

Heoi mo te wā nei, kua puta ā pito a e harikoa ana ngā tauira na te awhi o a rātou hoa.