Kaupapa: Elections

Kua puta ngā whakaaro o Te Taitokerau mo te honotanga ki wāenga i a Mana me te Pāti Ipurangi

Dean Nathan

Kahore he okiokinga mo te Mema Paremata o Te Taitokerau.  Aō ake i te honongātahi o te rōpū Mana me te Tōrangapu Ipurangi kua puta ngā tao kupu a te mema o Reipa a Kelvin Davis mo tana pakanga nui ki a Hone Harawira e kainamu mai ana. 

He hokinga ki te kainga mo te Mema Paremata o Te Taitokerau, ko tā Hone Harawira, “Ko te iwi koia te mea nui.  Ahakoa nga bling bling o tēra o ngā kaupapa hononga a Mana me te Internet Party, ko te iwi e noho ana ki te kainga ko ratou kei te taumata o ōku whakaaro i ngā wā katoa.”

He rerekē ano ngā whakaaro i runga i te tiriti, engari e metia ana na te tuhonotanga ki te Internet Party kua piki ake ngā rēhitatanga o te rōpū Mana ki taua rohe pōti. A koina hoki te aronga.

Ko ta Te Ratahi Mahanga he mema o te Pāti Mana, “Ko te rangatahi te mea nui ina hou mai ratou katoa ka haere tōtika tonu tēnei tōrangapu.”

Ahakoa tautoko kahore ranei e mea ana te rōpū Mana e aro ana ratou ki te kōhwiringa pōti e haere mai nei me te mohio kei a ratou ngā rauemi iaiainei e tāea ai te akiaki i te tini mano kihai rawa i tuku pōti i te kōhwiringa pōti kua pahure ake nei.

Ehara hoki i te mea ohorere te whakaaro o te mema o Te Taitokerau kia kauaka te taha maui o te `Whare Paremata e whakapau i o ratou ano moni ki te whawhai ia ratou ano.

Ko tā Harawira ano, “E tangi ana au .. e tangi ana au ki tēra I te mea kotahi anake te hoariri ko Nahinara tera.  Ko taku hiahia kia tu kotahi matou kia tu kotahi a Mana a te Ipurangi a te Kakariki a Reipa hei whānau kotahi I roto I tēnei pakanga. Kia kaua matou e whawhai matou kia matou ano engari kia tu kotahi hei rōpū toa whawhai atu ki te hoariri a Nahinara.

Heoi ano kei  te iwi te korero mutunga mo te take nei.