Kaupapa: Politics

Kua pānui tuatahi te pire āpiti mo Whakaata Māori

Tāpiri ki tēra, ka whakaturehia hoki ngā whakaritenga hōu mo te whakahaere tūāwhiorangi.

He wiki taumaha mā te Kaiarahi takirua o te Pāti Māori, a Pita Sharples, kua pahure nei, engari kua tau pea tāna wairua i tēnei rā.

Kua whakaae ngā Mema Paremata ki te pire āpiti mō Whakaata Māori, kia whai huarahi i te ao ōtihi.

I te rā nei i puta te tautoko o te tokomaha mō Pita Sharples, ara ko Metiria Turei, Jamie Lee Ross rātou ko Trevor Mallard ētahi noa iho o ngā mema i whakaputa i ā rātou mihi ki te Whakaata Māori mo tōna kaha ki te whakapāho i ngā kaupapa me te reo Māori ki te iwi whānui.

Hēoi i puta wero a Shane Jones ki te Kāwanatanga, me tāna whakatau kia kaua te Māori e whakawhiwhia ki tētahi wāhanga o te tūātea 4G.

Tata ki te iwa tau i muri mai i te orokohanga o Whakaata Māori e tōrunga ana te aronga mō Whakaata Māori, hēoi ahakoa e mārama kitea ana mō tātou katoa te painga, te āhua nei kāore te katoa i te tahuri mai.  

Kairīpoata: Ripeka Timutimu.