Kua oti te whawhai a Shearer

Kua heke iho a David Shearer i te tūranga kai-ārahi i te Rōpū Reipa.  Whai muri i te hui a tōna rūnanga mema ka rere te whakapuaki a Shearer ki te hunga pāpāho.

I te hui papāho tā mātou kaikawe take tōrangapū a Maiki Sherman, ko tāna  kua kore e tino wero kaha nei te noho o Nahinara hei kāwanatanga inā tata nei, na whai ano  ka huri te aro ki te kaiarahi.

Kaati, ko te ohorere noa pea ki te waa i whakapuakina. Heoi, e ai ki a David Shearer i te tatari ia kia oti raano ta Reipa pakanga mo te pire GCSB.

 No te whakamanatanga o tēra inapo, ka mana hoki ko tana whakawātea i te tūranga kaiarahi.