Kaupapa: Employment

Kua karangahia e ngā mema Māori o Reipa ki ngā māngai ā iwi kia tautoko ngā kamahi mīti

He karanga kua puta ki ngā māngai ā iwi ki te tuku tautoko ki nga kaimahi mīti e whakawhitiwhiti kōrero ana i tēnei wā mo ā rātou āhuatanga mahi ki ngā kaiwhakahāere i te kamupene ki a Talleys. 

Kua tukuna e ngā mema Māori o Reipa he reta ki ngā māngai ā iwi na ngā taumahatanga e pēhi ana i ngā kaimahi i roto i a rātou mahi i tēnei wā, ki tā te kaikorero mo ngā take whakawhanake Māori, ki tā Nanaia Mahuta, e mohio ana i panaia e Talleys i ngā kaimahi o te uniana mo ngā ra waru tekau mā iwa, a ko ngā māngai ā iwi te hunga i awhi i ngā kaimahi i whakatau i ngā raru ki waenganui i ngā kaimahi me te kamupene o Talleys. 

Ki tā Mahuta he kotahi mano ngā kaimahi kei raro i te maru o te uniana e whakapou kaha ana i tēnei wā ki te whakapakari i ā rātou āhuatanga mahi i tēnei wā. 

Hei tāna ko te nuinga e noho ana ki Fielding, Whanganui, Napier, Wairoa, Rangiuru, Horotiu, Wiri me Moerewa.  Ā ko Talleys te kaiwhakahāere o aua kamupene i tēnei wā.

Ko te tūmanako ka āta wānanga ai ngā māngai aā iwi taua reta ki tā rātou hui ki Whanganui a tērā wiki. 

Kihai a Talleys i te whakaputa kōrero mo tēnei take, ko tā rātou e hāere tonu ana ngā mahi whakawhitiwhiti kōrero ki ngā kaimahi.