Kaupapa: Politics

Kua hono tahi ngā rangatahi o ngā rōpu apetihana

Kua whakakotahi ngā wāhanga rangatahi o ngā rōpū Nahinara, Reipa, ACT, Mana, te Pāti Māori, Ngā Kākāriki me Aotearoa Tuatahi ki te tautoko i te pire hononga takatāpui.

He kaupapa kua whakaweherua i ngā rōpū, engari kua whakakotahi i te hunga rangatahi e kawe ana i ā rātou ake wawata.

Nā Louisa Wall, o te te rōpū Reipa, tēnei pire i tāpae, hei whakature i ngā hononga takatāpui. Ā kei ia mema te tikanga mēnā ka tautoko, ka whakahē rānei.

I tērā tau i whakaae te nuinga i te pānuitanga tuatahi. Ko tā tētahi mema rangatahi te Pāti Māori ko Te Aonui Mckenzie, e tautoko mārika ana i a i taua pire, nā te mea ko tōna whāinga ko te aroha ki te tangata.

Ko tāna ano he take tino whakahirahira tēnei ki ā ia, ko tāna “he whanau ōku kei te kainga e noho takatāpui ana, kare au e tautoko ana i ngā tangata e hāere ana me te kī kāore i te tika tō tū.”

Ko te tikanga, hei te Wenerei ka pānuitia te pire mo te wā tuarua.