Kaupapa: Elections

Ko te whakapiki i ngā tāke mo te hunga whai rawa te whāinga a ngā Kākāriki

Mā te whakapiki ake i te tāke ki a rātou ka utungia ki te kotahi rau whā tekau mano tāra neke atu ia tau, ki te whā tekau ōrau e ahei ai te Rōpū Kākāriki ki te whakapiki i te oranga o ngā tamariki e noho ana i te pōharatanga.

Koinei te oati a te rōpū tōrangapū i te rewanga o tō rātou mahere pōti i tēnei rā.

He kotahi piriona tāra te pūtea hou hei whakapiki i te oranga o ngā tamariki i ngā whānau pōhara, te oati a te Rōpū Kākāriki.

E toru ngā wāhanga e whakapaua ai te pūtea:

  • He $60 pikinga pūtea ia wiki ki ngā whānau pōhara katoa o te motu, kā tahi.
  • Kā rua, ka tokomaha ake te hunga ka whakawhiwhia ki te pūtea taunaki $220 ia wiki mō ngā wiki 10 i te whānautanga mai o tētahi pēpi hou.
  • Tuatoru he rima rau miriona tāra ki ngā ratonga hauora, mātauranga hoki e aro ana ki ngā tamariki i roto i ngā kura kohungahunga tae atu ki ngā kura.

I tū atu i tēra ko te Taiāo te kaupapa nui, arā to ratau tāke pokenga taiao.